رسم ابتسامة 1
***
كان هو من يتابعها هذه المرة.. تسير برشاقة بين الموائد
تضع الاطباق على المائدة ويلمح عينيها وهي تلتفت نحوه
اشار لها لتتبعه حيث مكتبه..
دخل واغلق الباب خلفه
“خير يارامز.. في ايه”
ابتسم يخبرها : خير… بصراحة كنت حاجز تذاكر ملاهي ليا وبنت اختي.. بس للأسف بكلمها دلوقتي قالتلي انها نامت ومش هتقدر تروح معايا.. ف ايه رأيك لو روحتي معايا
اتسعت ابتسامتها بسعادة : انا ماعنديش اي مشكلة
“كنت عارف انك مجنونة وهتوافقي”
خرجت من الغرفة.. قدميها لا تلامس الأرض
لا تصدق..تدور برأسها العديد من الأفكار
هل شعر بحبها له.. لما اختارها هي دوناً عن الآخرين
وصلت لغرفة تبديل الملابس لتقابلها مريم التي لاحظت ابتسامتها البلهاء
“مالك مبسوطة كدة”
اقتربت منها تخبرها : هخرج مع رامز رايحين ملاهي
قطبت مريم حاجبيها ضاحكة : ملاهي!!.. ايه يابنتي الهيافة دي
“مالكيش دعوة انتِ انا ماصدقت”
“ماشي ياجوليت.. ماتتأخريش بقا عشان ماما ماتقلقش”
***
عادت للغرفة لا تريد مشاركتهم الاجواء
تشعر بالإختناق يرافقه الضعف كلما رأته..
ترى نظرته لها ف يقشعر بدنها
رأت اروى تخرج من المرحاض بترنح فأمسكت بها مسرعة
” أروى… انتِ كويسة؟ ”
أومأت لها واستلقت فوق الفراش متمتمة : انا زي الفل
تأملتها لينا بقلق حتى وجدتها تغيب في نوم عميق
وضعت يدها فوق انفها تستشعر انتظام أنفاسها
تنهدت براحة ونهضت تدلف إلى المرحاض.. تلتقط اخر حبة من الدواء الذي يساعدها على النوم
ألقت القارورة الصغيرة وقبل ان تخرج لمحت تلك العبوة الفارغة والملقاه في ركن
امسكت بها تتفحصها.. ليلوث يدها ذلك السائل الابيض المتبقي داخلها
برقت عينيها بقوة وهي تنظر حيث باب المرحاض
سائل ابيض وحالة أروى التي رأتها بها
كل ذلك لا يؤدي سوا لنتيجة واحدة أدركتها جيداً.
***
وصل إلى المصحة
اليوم ستشرق شمسه من جديد
ستعود جنته إلى حياته مرة ثانية
وصل حيث غرفتها ف لم يجدها.. فراشها مرتب
والنوافذ مفتوحة
ألتفت لتقابله الممرضة ف سألها : هي لميا فين.. معقولة خرجت
اخفضت الفتاة رأسها بحزن : البقاء لله.
(انتهى الفصل)
_______________
#
ايه توقعاتكم للي جاي 🤔
تفتكروا ايه هو سر رامز؟
لينا هتعمل ايه هل هتقول لحد على اروى ولا هتسكت؟
عمار مصيره ايه تفتكروا شخصية قذرة كدة ايه نهايتها؟
فؤاد ايه هيكون رد فعله.. تتوقعوا هيعمل ايه مع اروى؟
وياترى حلا هتأذي مريم ولا هتعمل ايه؟ عرض أقل
الــفــصــل الــســادس
