رسم ابتسامة 1
ابتسم له ورحل ليجدها كما هي لازالت تغط في نوم عميق..
***
صعد لغرفته بعد ما حدث.. ليجد هاتفها الذي اخذه خلسة يصدح
امسك به يطالع الأسم ليجده لصديقتها التي تقتن معها بالمنزل
امسك الهاتف يجيبه وهو يتصنع النعاس : ألو
وصله صوتها الخافت : انا متأسفة اني قلقت حضرتك بس الموبايل دا بتاعي
“مريم!”
اجابته بدهشة : ايوة انا مريم.. حضرتك مين
ابتسم بخبث يجيبها : انا عمار… لقيت الموبايل واقع في عربيتي بس للأسف ماقدرتش ارجع اديهولك لاني كنت وصلت البيت.. بكرة الصبح هيكون عندك
“معلش هتعبك معايا”
“لا تعب ولا حاجة.. انا والله اللي مش عارف اقولك ايه.. يعني كسرتلك رجلك وقعدتك من شغلك”
“ماحصلش حاجة لكل دا.. ربنا ستر”
اغلق معاها متمتماً : زياد دا طول عمره محظوظ.. ايه الرقة دي.
***
اجلسها على المائدة بينما يضع الأطباق امامها : انا عايز الاكل دا كله يخلص مش هتعب ع الفاضي انا
شبح ابتسامة ارتسم على ثغرها فتابع : ايوة كدة اضحكي.. خلي الدنيا تنور
اخفضت عينيها هامسة : انا عايزة اتعالج يازياد
قبض على كفها بقوة : هتتعالجي وهتبقي احسن من الأول..
استمعا لصوت طرقات على الباب ف نهض يفتح ليجدها حلا.. التي أخبرها بما حدث
جلست بجانبهم على المائدة تخبره وهي تضع بعض الأوراق امامه : انا طول الليل بعمل سيرش على كام اتصال كدة و دول افضل خمس مصاحات لعلاج الإدمان في مصر.. الريفيوهات كلها تجنن والكل بينصح بيهم بس فلوسهم كتير شوية
تفحص الأوراق يختار من بينهم الاقرب له
” تقريبا دي احسن واحدة وهي الأقرب لينا.. لازم نروح دلوقتي لأنها بمواعيد”
***
“انا خايفة قوي يا زياد ماتسيبنيش لوحدي”
همستها ببكاء فأحتضنها بقوة يطمئنها
“انا مش هسيبك ابداً… هجيلك كل يوم وهكلمك كل شوية”
جفف دموعها مردفاً : بس عايزك توعديني ياأروى… اوعديني انك تكوني قوية.. عشان تقدري ترجعي زي الأول
شهقت بعنف تخبره : انا عمري ما هرجع زي الاول يا زياد.. انا جوايا في ألف حاجة اتكسرت
ضم رأسها لصدره متمتماً : انا جنبك.. مش هسيبك لحظة وهترجعي احسن كمان من الأول.. بس أوعديني انك ماترجعيش للزفت دا تاني.. اوعديني تاخدي بالك من نفسك وانا مش موجود ماشي؟
أومأت له متمتمة : اوعدك..
تركها رغماً عنه ورحل بعد ان اوصى بها الطبيبة
“ممكن تفك بقا.. إن شاء الله أروى هتبقى كويسة”
