رسم ابتسامة 1
لكن اليوم مختلف.. اليوم ليلة رأس السنة والعمل يزداد بزيادة الزبائن للمكان حتى تأخرت الساعة لمنتصف الليل
جلست بإنهاك على المقعد بعد ان رحل اخر زبون
خلعت حذائها ذو الكعب الشاهق الذي يصر رئيسهم على اهمية ارتدائه
ابتسمت علياء التي خرجت بعد ان بدلت ملابسها : شكلك تعبتي قوي
أومأت لها وهي تدلك قدميها : انتِ عارفة مابحبش البس كعب عالي بستحمله كل يوم بالعافية.. بس النهاردة اليوم كان صعب
“انا بقا اتعودت عليه خلاص ، مابقتش بعرف امشي غير بيه” قالت وهي تدور حول نفسها وتشير إلى حذائها الشاهق
نهضت مريم تبدل ملابسها هي الأخرى ثم عادت لها وخرجا سوياً لتهتف علياء : بقولك ايه..ماتيجي نروح night
“نعم !! Night ايه اللي نروحه دلوقتي.. انتِ بتستهبلي ياعليا” هتفت مريم مستنكرة حديثها.. تعلم بطبيعة صديقتها وجنونها لكن ان تصل لتلك الدرجة من الخبال.. ذلك ما لم تتوقعه
“أو كباريه.. وبعدين ياقلبي الحاجات دي مابتتراحش غير دلوقتي”
رفعت مريم حاجبيها بصدمة : كمان كباريه !!! لا دا انتِ اتجننتي رسمي
“ماهو بصي بقا.. انا مش هرجع البيت ، انا لا طايقه امي ولا جوزها”
امسكت بيدها هاتفة : خلاص يبقى تيجي تباتي عندي.. انما كباريه وشغل جنان مش عايزة
تعلقت عليا بها فرحة : تصدقي تاهت عن بالي دي.. يااه دا احنا هنسهر للصبح
***
جلسا على الفراش وسط اكوام من المقرمشات لتهتف مريم بإستنكار : ايه يابنتي كل دا
اجابتها علياء وهي تتناول حبة من طبق الفشار الضخم امامها : ياحبيبتي السهرة ماتحلاش غير بالحاجات دي
ما ان انتهت من حديثها حتى سمعا سوياً صوت الألعاب النارية بالخارج ف نهضت علياء راكضة تفتح النافذه وتتابع الأجواء بالخارج
تبعتها مريم وتوقفت خلفها ترمق الألعاب النارية في السماء بألوانها المبهجة وتعود بذاكرتها لخمس سنوات مضت
31 ديسمبر 2014
كانت تجلس امام التليفاز وحدها تتابع فيلماً قديماً بعد ان شعرت والدتها بالنعاس ف قررت تركها ودلفت لغرفتها
اضاءت شاشة هاتفها بأسمه فـ ابتسمت بسعادة وقبل ان تجيبه كان صوته يهتف : بصي من شباك اوضتك بسرعة
نهضت راكضة للداخل تفتح النافذة لتجده يقف بالأسفل فهتفت بعدم تصديق : زياد يا مجنون.. بتعمل ايه هنا
“ماحبتش ابدأ السنة جديدة من غيرك.. حتى لو بينا كل المسافة دي منعاني عنك.. بس كفاية اني شايفك قدامي”
