رسم ابتسامة 1
نهضت بسعادة هاتفة : هطلع اجيب شنطتي وجاية حالاً
سبقها حيث سيارته واتت خلفه بعد برهة.. تستقل المقعد بجانبه.. حاولت ربط حزام الامان لتجده لا يعمل ف قال ببرود : بايظ
اعتدلت ترمقه بهيام : مش مشكلة
قاد السيارة وبمجرد ان خرج من المنزل ازاد من سرعتها بطريقة جنونية جعلت رأسها تصطدم بـالزجاج حتى كادت تصاب بالدور فـ توقف فاجأة لتصطدم بعنف في الزجاج الامامي صارخة : انت مجنون.. كنت هتموتنا
جثى فوقها يمسك برثغها بعنف آلمها بينما يهمس بفحيح : اسمعك تاني بتقولي عمار يوصلني.. وحياة امي لكون راميكي من العربيه وهي بتمشي
برقت عينيها برعب ثم أومأت له ليعتدل.. يرتدي نظارته الشمسية ويكمل طريقه بهدوء كأن لم يحدث شيئاً
حتى توقف امام منزلها ف هبطت مسرعة تركض إلى الداخل تفتح الباب وتدلف ثم تغلقه بعنف وتقف خلفه لاهثة بعينين جاحظة لا تصدق ما حدث..
***
كان يجلس خلف مكتبه شارداً.. يمسك بقلمه يعبث به ولم ينتبه لمن يقف امامه سوا عندما هتف به : زياد
رفع عينيه بدهشة فتابع وهو يجلس زمامه : ايه يابني.. دا انت مسافر خالص.. انا بقالي ربع ساعة بخبط وربع ساعة واقف قدامك وانت ولا هنا
“ازيك ياعاصم”
قطب عاصم حاجبيه بتعجب : ازيك ياعاصم !!!.. مالك يا زياد انت مش مظبوط
حرك رأسه نافياً : لا ابداً موضوع كدة شاغلني.. المهم كنت عايزني في ايه؟
“انا ماكنتش عايزك ف حاجة.. واضح ان انت اللي عملتها حجة عشان تهرب”
رمقه بدهشة فأكمل : لما سألت والدك قالي انك مش جاي هتقعد مع حلا .. عشان كدة كلمتك اسألك عن الملف الناقص
مسح وجهه بكفه متمتماً : اتخنقت يا عاصم
“في إيه يا زياد أحكيلي”
رجع بظهره للخلف مستنداً على ظهر المقعد : عارف أحساس انك متكتف.. مخنوق ، الكون بالنسبالك اضيق من خرم الأبرة والكل بيتحكم فيك وعايزك ترضيه.. انما رضاك انت وسعادتك تغور في داهية
رمقه عاصم بتساؤل : انت لسة بتفكر في الحكاية القديمة؟
ابتسم بحنين يجيبه : بفكر !!! انا عمري ماهبطل تفكير فيها.. انا مش عايز انسى ياعاصم.. رافض انسى.. دي الحاجة الوحيدة اللي بتفكرني بـ زياد القديم.. فاكره يا عاصم؟
أومأ له : فاكره..
***
تنقلت بين الموائد.. تستمع لطلبات الزبائن.. تدونها بنوته صغيرة بين يديها ثم تهرول إلى الداخل لتأتي بالمشروبات
طوال اليوم على هذه الحالة حتى تُنهك وتعود إلى المنزل تلتقط بعض اللقيمات وتغط في نوم عميق
