رسم ابتسامة 1

ثم تركه وتوجه ناحية الأخرى التي كانت تقف تسترق النظرات نحوه ومشاعرها تتضارب بين العشق والإرتياب مما حدث في الصباح
وجدته يمسك بذراعها العاري ويسحبها خلفه لداخل المنزل صارخاً : ايه القرف اللي انتِ لبساه دا

وكان يقصد ثوبها القصير والملتصق بحنايا جسدها كجلد ثاني له
فتاة لم تكمل الثامنة عشر بعد ترتدي تلك الملابس دون خجل او حياء

تناست رعبها منه ودارت حول نفسها بإبتسامة : ايه رأيك مش حلو الفستان؟

ورغم اعجابه وتأثره بهيئتها لكنه هتف بتذمر : زي الزفت وماينفعش ف مكان زي دا

رفعت كتفيها بحيرة : امال ينفع فين.. دا سواريه يعني للحفلات

“لا ياحبيبتي دا اخره قميص نوم ينفع فـ…”

“عمار !!!” شهقت بخجل تنهره فتابع وهو يتوجه إلى الخارج : غيري الزفت دا ولا البسي حاجة فوقيه.. واياكِ يا لينا تخرجي برة بالمنظر دا والله لهجيبك من شعرك قدامهم كلهم ومش هيهمني حد… قلة ادب

تركها ورغم حرجها من كلماته أبتسمت بسعادة.. فـ لأول مرة تستشعر غيرته عليها.. تنهدت بهيام وصعدت للأعلى تأتي بوشاح ترتديه..

***

انتهى الصخب أخيراً ودخل لغرفته ينعم ببعض الهدوء.. عاد وجهه للوجوم بعد ان نزع قناع الإبتسامة المزيف
ابدل ملابسه واتجه صوب احد الأدراج الموصدة.. فتحه واخرج منه الإطار الذي يحتوي على صورتهم سوياً
كانت الضحكة تملء وجههم
تنهد بإبتسامة واخرج دفتر صغير ثم نهض يجلس على الفراش.. يضع الصورة امامه ويدون داخل الدفتر تاريخ اليوم
” زي النهاردة من اربع سنين كانت اخر مرة اشوفك فيها.. تعرفي انك وحشتيني.. وحشتيني لدرجة ماتتخيليهاش.. عيونك وابتسامتك.. شعرك اللي كان دايما يطير ويجي على وشي.. صوتك وضحكتك
انا مش عارف اعيش يامريم.. سيبتك وانا فاكر اني هنسى وهعيش حياتي.. بس حقيقي انا ميت من غيرك
ياترى انتِ لسة فاكراني !! بتحبيني زي زمان ولا بقيتي كرهاني خلاص.. وحشتك ولا عيشتي حياتك من بعدي ”

اغمض عينيه بقوة يمنع دمعة حنين كادت ان تهطل مع تنهيدة حارة ثم تابع
” انا مش عارف ليه بكتبلك الكلام دا مع انك مش هتشوفيه.. بس يمكن ارتاح من عذابي.. ارتاح من كتر التفكير ، لإني مش عارف اتكلم ولا اقول لحد اللي جوايا وحاسس اني هموت بيه.. انا بتعذب كل يوم.. نفسي اشوفك تاني وخايف اقابلك.. خايف تكوني نسيتي.. خايف الاقيكي عيشتي حياتك.. وقتها بجد مش عارف هكمل حياتي ازاي.. انا عايش على أمل ان يكون لينا فرصة تانية مش عارف ازاي.. بس عندي أمل “