رسم ابتسامة 1
مسحت انفها بعنف هامسة : طب ممكن…
قاطعها وهو يتوجه إلى احد الادراج : مفهوم مفهوم..
وألقى لها بعبوة صغيرة تحتوى على مسحوق ابيض. افرغت محتواها واستنشقته بعنق ثم عادت برأسه تستند على الحائط ترمقه بإبتسامة مُختلة غائبة عن العالم حولها… بينما يقف هو امامها يرمقها بإنتشاء..سعادة تجتاح اوصاله كلما رآها على هذه الحالة..
(إنتهى الفصل)
لــفــصــل الثـــانـي
وقف امام سيارته عند بوابة المطار ينتظرها..
شقيقته.. او نصفه الأخر.. امينة اسراره وتوأم روحه كما يطلقون عليهم
عامين لم يراها.. اشتاقها واشتاق لحديثها
وجدها تخرج من البوابة تخفي عينيها بنظارة سوداء قاتمة وخصلاتها الشقراء تطاير بفعل الهواء
اعتدل في وقفته ليجدها تقف تدور حول نفسها وكأنها تبحث عن احد
رفع ذراعه حتى تراه ف وجدها تهرول نحوه تلقي بنفسها بين احضانه ف ضمها له بقوة لثواني بعدها سمعها تنتحب بحدة اقلقته ف ابتعد هاتفاً بقلق : أروى.. مالك ياحبيبتي اهدي
حركت رأسها نافية : مافيش حاجة.. انت وحشتني بس.. كلكوا وحشتوني يازياد
تحسس خصلاتها بحنان : وانتِ ماتتخيليش حياتنا من غيرك عاملة ازاي
ثم جذب حقيبتها ووضعها بالسيارة لينطلق بها حيث منزلهم وفي الطريق نزعت نظارتها لينظر لها
“مالك يا أروى.. وشك باهت وعينيكي مرهقة قوي كأنك ماكنتيش بتنامي خالص”
ابتسمت بتوتر تجيبه : البعد عنكم وحش قوي يا زياد
ابتسم بوجهها ثم عاد ينظر إلى الطريق سائلاً : فؤاد عامل ايه.. ليه مانزلش معاكِ
ارتجف جسدها لسماع اسمه فقط وطال صمتها بشرود.. ليعيد سؤال : أروى بسألك فؤاد مانزلش عليه
” عنده شغل.. هيخلصه وينزل” اجابته بتوتر ثم ألتفتت تنظر له تتصنع الإبتسامة حتى لا تثير قلقه ف هو اكثر من يعرفها
“قولي بقى.. عامل ايه.. طمني عليك انت؟”
تنهد بقوة هامساً : مش كويس خالص يا أروى.. في حاجات كتير قوي محتاج احكيلك عنها
“اديني رجعت اهو ياسيدي وهنسهر نتكلم زي زمان.. فاكر يازياد لما كنا نقعد ف التراس للصبح وماما تصحى تلاقينا لسة قاعدين وتقعد تزعق لنا”
حركت رأسها وهي تجيب بشرود حزين
“ياريت الأيام دي ترجع تاني ، نفسي نرجع صغيرين”
ألتفت لها بتعجب : أروى.. انتِ متأكدة انك كويسة؟
” يابني بُعدكم مش سهل.. دول سنتين يا زياد ماشوفتكوش فيهم ”
“ماشي ياستي ادينا وصلنا اهو”
