رسم ابتسامة 1
تهدل كتفيه بعجز ف ربتت فوقهم هامسة : زياد.. لازم تفكر كويس قبل ما تاخد اي خطوة.. انت لو روحت لمريم دلوقتي مش هتاخدك بالحضن وتقولك وحشتني
أومأ لها هامساً : معاكِ حق..
***
“مين زياد دا يامريم وتعرفيه منين؟” سألتها بحزم بعد ان وصلتها همستها الخافتة
لترفرف الأخرى بأهدابها فتابعت علياء : اوعي تكدبي عليا.. إلا بقا لو مش واثقة فيا
زفرت بيأس تجيبها : كنا بنحب بعض في فترة كدة
انتقلت علياء لتجلس امامها : كنتوا؟!!!
“ايوة كنا.. الموضوع دا انتهى من زمان”
” مش باين يامريم انه انتهى.. هو لسة بيحبك وانتِ كمان لسة…. ”
نهضت مريم هاتفة بغضب : ماتقوليش الكلام دا.. انا حتى مابفكرش فيه
“كدابة.. والدليل اهو.. عينيكِ اللي كلها دموع.. وزعلك اللي ماكنش ع الوظيفة ولا على كرامتك.. زعلتي واتقهرتي لما شوفتيه مع واحدة تانية”
ابتلعت لعابها بعسر لم يكن بمخيلتها انها ستجد احد يفهمها لهذه الدرجة
نهضت علياء تحتضنها هامسة : هو لسة بيحبك على فكرة.. ماشوفتيهوش وهو ملهوف يعرف عنوانك
ابتعدت عنها : صدقيني انا مابقتش محتاجة حبه خلاص.. كفاية مش عايزة اللي حصل زمان يتكرر تاني.. مش هستحمل جرح جديد
***
افترق جفنيه بتكاسل بعد ان شعر بأنامل رقيقة تداعب وجنته
انتفض جالساً يحملق فيها..
هي جالسة امامه تنظر له بتلك الإبتسامة المهلكة
اناملها تتلمس وجنته وتمررها على عنقه بخفة
امسك بها يقبض عليها هامساً : مريم.. انتِ هنا
أومأت له وعينيها تلتمع بشوق : وحشتني
دقات قلبه كالطبول يستمع لها في سكون الليل
رفع عينيه حيث خصلاتها : شعر طول تاني
“عشان انت بتحبه كدة”
حرك رأسه غير مصدقاً هي هنا.. امامه في تلك الساعة
احاط ذراعيها بكفيه : مريم انتِ هنا بجد.. انا مش بحلم
اقتربت بصمت تطبع قبلة فوق وجنته ف أغمض عينيه منتشياً.. روحه تعود له
فتحها عندما ابتعدت ليجدها تلاشت..
كانت سراب… اصبح يراها في صورة تهيؤات ستؤدي به لمصحة نفسية
تطلع حوله بذهول.. رائحتها اختفت.. طيفها انطفأ ولم يبقى سوا ظلام الغرفة الدامس
كان حلم ود لو كان حقيقي.. واقع ملموس كملمس شفتيها فوق وجنته
تحسسها بإبتسامة وعاد يتمدد على فراشه عاقداً العزم على رؤيتها غداً.. سيذهب إليها ويحدث ما يحدث هو لا يهتم سوا برؤيتها مجدداً
***
خرج بعد انتهاء محاضرته.. توجه إلى احد المقاعد الجانبيه في الحديقة بجانب صديقه الذي وضع في يده سجارة محشوة
“صباح الفل”
