رسم ابتسامة 1
سقطت دموعها وهمست بإختناق : مافيش حاجة ياماما بس بجد انا مش عايزة اروح في اي مكان
” طب لو قولتلك عشان خاطري.. انا نفسي اغير جو يا لينا وفرصة كلهم هيكونوا هناك.. انتِ عارفة باباكي مسافر اغلب الوقت واحنا لوحدنا لا بنروح هنا ولا هنا”
وافقت مستسلمة لرغبة والدتها.. هما اربع ايام فقط وتعود إلى وحدتها وغرفتها الشاهدة على دمارها.
***
رقم تعرفه جيداً.. تلجأ له وقت الحاجة
هاتفته وعينيها تتابعه.. يتجول في بهو الفندق بشرود
فُتح الخط على الجهة الأخرى ف همست مسرعة : هبعتلك صورة بنت اسمها مريم.. عايزاك تجيبلي كل المعلومات عنها من يوم ما اتولدت.. عايشة فين ومع مين.. الناس اللي دخلت حياتها من يوم ما اتولدت
صحابها وقرايبها.. بتاكل ايه وبتشرب ايه.. بتروح فين وبتيجي منين
فاهمني.. عايزة معلومات عنها هي نفسها ماتعرفهاش
كان هو يجوب المكان بشرود.. يفكر بها.. وبحالته
يحتاجها بشدة وضعيف هو لا يستطيع المحاربة
جبان.. لا يستحقها
وفي ظل شروده اصطدم بأحدهم يرتدي قبعة فوق رأسه ف تراجع متمتماً بإعتذار ليهتف الاخر بدهشة : زياد !!!!
رفع عينيه نحوه : باسم… ازيك يابني
احتضنه باسم بقوة : عاش من شافك يازياد.. من ايام الجامعة ماشوفتكش
اجابه زياد ضاحكاً : قال يعني انت اللي موجود ولا حد فيكوا بيظهر خالص
اشار باسم لاحداهن فأتت هاتفة : زياد.. مش معقول
ألتفت لها مندهشاً : نور!!!! انتوا هنا مع بعض
احاطها باسم بذراعه : بنقضي شهر العسل.. لسة متجوزين من يومين
ثم تابع : اوعى تكون انت كمان بتقضي شهر العسل
اجابه نافياً : لا انا هنا مع عيلتي
“المهم طمنا عليك.. اخبارك ايه؟”
اشار نور لدبلته : شكلك خطبت.. اكيد مريم صح.. سلملي عليها كتير من وقت مااتخرجنا ماشوفتهاش
ابتلع ريقه بعسر وكاد يتحدث ليجد اخرى تعلقت بذراعه وقد استمعت لحديثهم بينما تقدم نفسها لهم بثقة : هاي.. انا حلا خطيبة زياد
ونظرت له بإبتسامة : مش تعرفني ياحبيبي
رمقاه بتعجب ف همس هو : حلا خطيبتي… دول باسم ونور صحابي من ايام الجامعة
أومأت لهم ثم ألتفتت له : يالا مش هنروح البيتش.. كلهم هناك
“طيب.. انا مضطر اسيبكم.. هبقى اكلمك يا باسم”
“ياريت..”
تركهم لتهتف نور بدهشة : هو ايه اللي انا شوفته دا.. زياد مع واحدة غير مريم
رفع باسم كتفيه بحيرة : مش عارف.. بس شكل كدة في حاجة غلط.
