رسم ابتسامة 1
كان يقف في الشرفة يمسك بهاتفه بينما يحادث معاذ في رسائل صوتية على تطبيق الواتس اب
“اتخنقت بجد من الحبسة دي.. مافيش اي حاجة تسليني هنا”
“ليه ياعم.. دا انت ف الغردقة ، شوفلك مُزة اجنبية كدة اتسلى عليها الكام يوم دول”
زفر بقوة يخبره : ولا عارف ابص جنبي.. ابويا حاطتني تحت الميكروسكوب
ضحك معاذ بقوة : امال فين لينا ؟
“مش عارف اتلم عليها ، بتهرب مني.. كل ما تكون لوحدها واقول خلاص بقت ف ايدي الاقيها هربت.. ”
ما كاد ينهي حديثه حتى رآها تعود وحدها فألتوت شفتيه بإبتسامة ماكرة ثم اغلق الهاتف وخرج مسرعاً يلحق بها
دلفت للغرفة المخصصة لها هي وأروى وما كادت تغلق الباب حتى وجدته يدفعها للداخل ويغلق الباب خلفه.
برقت عينيها بقوة هاتفة : اطلع برة يا عمار.. اياك تقربلي
رفع كفيه يشير لها ان تهدأ : اهدي يا لينا.. انا مش هاكلك
تراجعت بذعر صارخة : عايز مني ايه ياعمار
ابتسم بهدوء اقلقها : عايز اتكلم معاكي.. انتِ بتهربي مني يا لينا وانا مش عارف اتلم عليكِ
“مافيش كلام بينا.. واطلع برة بدل ما افضحك والله العظيم”
“هخرج بس ممكن تسمعيني لأخر مرة.. وانا واقف بعيد اهو مش هقربلك..”
هتفت ساخرة بألم : اسمعك!!!.. انت عارف انت عملت ايه.. انت… انت… انت… وكمان صورتني.. بتصورني ياعمار… انا بنت خالتك؟!!!!!
اخرج هاتفه واقترب منها يفتحه امامها : اهو.. مافيش حاجة.. انا مسحت الفيديو وماحدش شافه والله.. انا اللي خلاني اصور اني عارف انك لما تصحي مش هتكوني فاكرة حاجة.. بصراحة خوفت تتهميني اني اغتصبتك ولا حاجة ف حبيت اوريكي انه كله كان بمزاجك
سقطت دموعها وهي تتهالك فوق الاريكة : انا.. انا كنت سكرانة.. مش واعية لحاجة
ثم نظرت له بإتهام : بس انت كنت واعي.. وفاكر كل حاجة
اقترب منها يجذبها لتقف امامه ينظر بعينيها هامساً : تفتكري انا ليه عملت كدة؟
رفعت كتفيها بحيرة فتابع بعد ان رفع يده يتحسس وجنتها برفق : عشان بحبك
ابعدت يده بعدم تصديق : كداب.. انا مش مصدقاك ومش هصدقك ياعمار
وابتعدت عنه ليمسك بيدها.. يقربها منه : لينا صدقيني.. انا لما سمعتك وانتِ وتقوليلي بحبك ماقدرتش اقاوم
همست ببكاء : انت دمرتني
احاط وجهها واقترب يطبع قبلة قبلة فوق شفتيها : انا اسف
دفعته بوهن : ابعد ياعمار… لو بتحبني بجد روح لبابا اتقدم ونتجوز
