رواية جديدة من 11-14

وجدته في الشرفة الخاصة بمكتب جدها واقفًا في الظلام، ينظر إلى الأفق البعيد كعادته كان يبدو كجبل صامت، يحمل هموم العالم على كتفيه. اقتربت منه بهدوء، ووقفت بجانبه دون أن تتكلم لم يلتفت، لكنه قال بصوت هادئ. _الجو برد؟ ادخلي جوه يا روح. هزت رأسها، وقالت بصوت مختنق لكنه يحمل مغزى _البرد اللي بره أهون من البرد اللي جوه. هنا التفت إليها، ورأى الحزن يغلف ملامحها، والدموع تلمع في عينيها في ضوء الفصل الرابع عشر

……….. هنا التفت إليها، ورأى الحزن يغلف ملامحها، والدموع تلمع في عينيها في ضوء القمر الخافت. _مش عارفة أفرح يا مالك. قالتها، وانهار سد مقاومتها، فبدأت الدموع تنزل بصمت. _كل حاچة حواليا بتجولي المفروض أكون أسعد واحدة في الدنيا فرحي بكرة، وكل حاچة چاهزة بس أنا مش حاسة بحاچة كل ما أبص على سريري، أتخيلها كانت جاعدة عليه بتضحك معاي كل ما أفتح دولابي، أشوف الفستان اللي اختارته معايا صوتها، ضحكتها، هزارها… كل حاچة ناجصة البيت فاضي من غيرها.

أخذت نفسًا عميقًا وتابعت بصوت مكسور. _أنا عارفة إنها عايشة، وإنها قريبة منينا، بس بحس إنها في دنيا تانية بعيدة جوي بحس إنهم سرجوها منينا، ســ,,ـرقوا روحها قبل ما ياخدوا جسمها خايفة عليها يا مالك خايفة من اللي اسمه جاسر ده. خايفة يكون بيعذبها، بيقهرها نغم متستحملش الجسوة دي، جلبها رهيف زي ورقة الشجر. صمتت للحظة، ثم نظرت إليه برجاء. _هنفضل ساكتين إكدة؟ هنسيبها معاهم؟ تنهد مالك وأشاح بوجهه عن نظراتها التي كانت تخترق روحه اقترب منها، وقال بحكمة كانت تحمل في طياتها ألمًا عميقًا.

_ده مش سكوت يا روح، ده هدوء قبل العاصفة اللي حصل ده مكنش خطف عادي، دي كانت لعبة متخططلها زين جوي، لعبة أجبرت نغم إنها توافج إحنا كلنا مجبورين على اللي بيحصل ده ودلوجت مجبورين نمشي على الشوك عشان منجرحهاش أكتر. التفت إليها، وعيناه تحملان تصميمًا قاطعًا. _بس ده مش معناه إني هسكت، أو هسيبها لوحدها أني وعدتها إني هكون في ضهرها، والوعد ده دين في رقبتي ليوم الدين جاسر فاكر إنه كسب المعركة، بس هو ميعرفش إن الحرب لسه مبتدتش.

شعرت روح ببعض الطمأنينة من كلمــ,,ـاته، لكن حزنها الشخصي عاد ليغلبها. _كل حاجة ملهاش طعم من غيرها. حتى التحضيرات اللي كنت فرحانة بيها، بقيت بعملها غصب عني بحس إني لوحدي في كل حاچة. قالت جملتها الأخيرة بمرارة، وغفلت عن معناها المزدوج لكن مالك لم يغفل التقط الكلمة، وشعر بوخزة قلق حادة. _لوحدك كيف؟ وعدي فين من كل ده؟ المفروض يكون چنبك أكتر واحد في الوجت ده. ارتبكت روح، وأدركت أنها أخطأت لم تكن تريد أن تظهر عدي بصورة سيئة أمام أخيه وخاصة مع مالك الذي يفهمها دون ان تتحدث