رسم ابتسامة 2
سمع صوت خطواتها داخل المنزل فـ ركض نحو الباب هاتفاً بغضب : كنتِ فين لحد دلوقتي؟
تخطته كأنهم لم تراه فأمسك بيدها مردفاً : بقولك كنتِ فين ياسحر.. بتعملي ايه برة البيت لحد دلوقتي؟
رمقته بسخرية قائلة : بيت.. هو فين البيت دا.. انت مش واخد بالك احنا وصلنا لأيه.. البيت اللي كان كله دفا وهزار وضحك.. بقا ميت ويخنق.. انا مش طايقة اعيش فيه
وصعدت للأعلى تجمع ملابسها..
تنوي الرحيل.. هي لا تطيق المكوث به اكثر من ذلك..
“هتسيبيني انتِ كمان يا سحر”
ألتفتت له باكية : انت اللي عملت فينا كدة.. زياد ساب البيت بسبب قسوتك عليه.. أروى في مصحة بتتعالج بسببك
عمار مات سكران بسبب اهمالنا فيه
حتى عُدي…
لم تستطع اكمال حديثها وتهالكت على الفراش ف جلس امامها يمسك بيدها.. يقبلهما هامساً : انا اسف.. صدقيني هصلح كل حاجة.. هعمل كل اللي انتِ عايزاه بس ماتسيبنيش ياسحر.. والله كل اللي عملته كان عشان مصلحتهم
“وخيانتك ليا.. كانت لمصلحتي بردو”
اخفض عينيه يقر بإعترافه : كانت نزوة.. لحظة ضعف.. هددتها عشان ماتهدش البيت.. خوفت تتكلم وتسيبيني
اغمضت عينيها بألم : الكلام مالوش فايدة دلوقتي.. انا هسيب البيت
“ياسحر… عشان خاط…”
قاطعته هامسة : انا عندي لوكيميا.. مرحلة متأخرة.
***
“بطل تضايقها يازياد.. وكفاية كدة”
ألتفت لرامز الذي دلف للغرفة بينما كان هو يتابعها ترحل بغضب من النافذة
“ابطل ايه انا ماصدقت”
اجابه وهو يجلس بتهالك على الأريكة : انت دماغك ناشغة ومش هترتاح غير لما ماتجيش تاني
جلس بمقابلته يجيبه بثقة : بيتهيألك.. مريم حابة اللي انا بعمله وقريب قوي هتسمع اخبار حلوة
رمقه رامز بسخرية : اهي النفخة الكدابة دي اللي هتوديك في داهية
” يابني افهم.. انا اللحظات دي بتفكرني بأيام الجامعة.. ايام ما كنت بحاول اتعرف عليها.. كانت اسعد لحظات حياتي.. كنت عارف انها بتبادلني نفس شعوري وفي نفس الوقت مش عايزة تقرب.. مريم بتعشق المطاردة”
حرك رأسه نافياً : مش مرتاح يازياد.. ربنا يستر.
***
خرج من المطعم ليجدها امامه..
لم يراها منذ ايام حتى ظن انها تناسته
او كان يتمنى ذلك..
هبطت من السيارة عندما رأته..
لم يكن امامها سوا ان تأتي له.. ف هو لا يجيبها
وتركها دون ان يلتفت لما فعله بها
“زياد.. وحشتني”
توقفت امامه عينيها تنطق بشوقه..
لكنه جامد لا يهتز
يكفي ما حدث منها..
