رسم ابتسامة 2
ودفعها للخارج ثم اغلق الباب بوجهها
لن تنسى هذا اليوم وتلك اللحظة
التي علمت بعدها ان ثورته تلك كان سببها خطبة رُبا التي علم بها من صفحتها على الفيس بوك
اراحت جسدها على الفراش..
خمس شهور مرت
بطنها تكور بشكل ملحوظ..
اخبرت والديها بحملها
اصبحت تنتظر رؤيته على أحر من الجمر..
وضعت اناملها تتحسسه برفق
ثم مدت يدها لأسفل الوسادة تخرج دفتر صغير وقلم
فتحته لتخط به تاريخ اليوم
” امبارح عرفت انك بيبي ولد.. انا فرحت جداً رغم اني كنت بتمناك تكون بنت..
بس أول ما الدكتورة قالتلي boy حسيت اني طايرة في السما والدنيا مش سيعاني
انت عارف انا بحبك قد ايه صح..
مابقاش ليا غيرك اتكلم معاه واحكيله عن اللي جوايا..
عُدي بقى عصبي قوي وكل ما يتكلم معايا يزعقلي
اتغير كتير وانا السبب الأول في التغيير دا
مش قادرة ألومه ولا قادرة اخد منه موقف
كفاية ان حبيبته ضاعت منه بسببي.. ماكنتش متخيلة انها ممكن تتنازل عنه بسهولة كدة
كان نفسي تحاربني.. تكرهني بس ماتتخطبش لغيره
انا كنت ناوية اصلح كل حاجة..
كنت ناوية احكيلها كل حاجة اول ما يخلص السنة ونرجع مصر
كنت هطلب الطلاق واروح اعترفلها وارجعهم لبعض بس هي ماستنتش..
بس انا مش غلطانة لوحدي.. هو غلط وهي كمان ماحدش فيهم حارب علشان التاني
كان ممكن هو يحكيلها دي طول عمرها صاحبتي ماكنتش هتفضح سري..
الإتنين استسلموا بدري قوي.. ”
اغلقت الدفتر بعيون شاردة..
هي المخطئة والمذنبة الوحيدة في حكايتهم..
حتى لو قالت عكس ذلك..
شعرت بركلة طفيفة فأبتسمت بسعادة هامسة : شكلك جعان.. انا هقوم اكل
ونهضت تخرج من غرفتها وتتسلل إلى المطبخ على اطراف اصابعها حتى لا يشعر بها
فـ ضوء غرفته مشتعل ويبدو انه جالساً لإستذكار دروسه كما يفعل دائماً
جلست على المائدة بمنتصف المطبخ وامامها كعكة كبيرة من الشيكولاتة تلتهمها بتلذذ
“انتِ بتعملي إيه؟”
انتفضت واقفة فأقترب متابعاً : ايه دا.. احنا لسة كنا بنتعشى من شوية
ابتلعت ما بجوفها ثم اجابته ببراءة جعلته يبتسم : مانا جعانة
“لينا انتِ بتكلي كتير قوي”
تقوس فمها بحزن : انا تخنت؟
“يعني هو…”
صمت قلقاً من رد فعلها ف هتفت به : انا بجد تخنت
تنهد بيأس : اه بصراحة يا لينا تخنتي كتير
رمقت نفسها بعدم رضى..
جسدها الذي كان يشبه جسد عارضات الأزياء
الآن تشوه بفضل طفل وضع في رحمها
ابتسمت بخفة عندما تذكرته
