رسم ابتسامة 2
ثم نظرت لرامز ممتنة : معلش يابني تعبناك معانا
اجابها وعينيه تتابع علياء : ماتقوليش كدة يا طنط احنا بقينا أهل..
إستدار راحلاً فـ ألتفتت عليا لوالدتها : هوصل رامز..
أومأت لها ف خرجت خلفه وتوقفا امام الباب
ابتسمت هامسة : شكراً انك موجود
امسك بكفها يرفعه لشفتيه.. يلثمه برقة
“شكراً انتِ انك ادتيني فرصة تانية”
سحبت يدها بخجل : احنا ع السلم..
“هشوفك بكرة صح؟”
أومأت له ثم شيعته بإبتسامة حتى رحل وعادت هي إلى الداخل.
***
استيقظت في الصباح لتجد نفسها وحيدة بالفراش..
نهضت مسرعة تبحث عن امها ف وجدتها جالسة بالخارج مع والدة علياء
اندفعت نحوها : ماما.. انتِ كويسة ؟
استقبلتها بإبتسامة تطمئنها : انا كويسة ياحبيبتي ماتقلقيش
جلست بجانبها على الأريكة تمسك بيدها تقبلهما
“خوفت عليكِ قوي”
ربتت على خصلاتها متمتمة : حقك عليا ياقلبي
رفعت عينيها لوالدة علياء تخبرها : انا اسفة ياطنط خضيتكم
“ماتقوليش كدة يامريم.. دا انتِ وعليا اخوات”
نظرت حولها سائلة : هي فين صحيح؟
“في شغلها ياحبيبتي من بدري”
رمقت الساعة المعلقة ع الحائط لتجدها تخطت الواحدة ظهراً
“ياخبر.. انا نمت كل دا”
ضمتها والدتها بحنان : نوم الهنا يانور عيني..
اراحت مريم رأسها على صدرها
تشعر بالأمان هنا..
ليس لديها غيرها في تلك الدنيا..
لا تعلم لو راحت وتركتها ماذا ستفعل..
حتماً ستنهار حياتها بأكملها.
***
خرجت من الجامعة لتجده امامها.. يستند على مقدمة سيارته مرتدياً نظارته الشمسية
“مصطفى!!”
اقترب منها يرفع نظارته عن عينيه قائلاً : عايز اتكلم معاكِ بعيد عن بيتكم..
أومأت له بصمت وسارت خلفه حيث سيارته
وفي أحد المطاعم جلسا ليسألها
“تاكلي إيه.. انا عامل حسابي نتغدى سوا”
ضمت يدها بتوتر تخبره : مصطفى انا من ساعة ما شوفتك وانا متوترة ف ياريت تقولي انت عايزني في إيه
تنهد ثم اشار للنادل : اتنين ليمون من فضلك..
وعاد لها يخبرها : بصي يا رُبا.. انا شخص مابحبش اللوع أو اللف والدوران.. دايماً جد وكل الناس عارفة عني دا
أومأت له ليتابع : وبردو مش شخص بجح عشان أكمل معاكِ بعد ما اعترفتيلي انك بتحبي غيري
اخفضت عينيها ليكمل : بس انتِ مش الشخصية اللي بسهولة اتنازل عنها.. انتِ بنت ذكية.. محترمة وعارفة حدودك.. متفوقة في دراستك.. وجميلة جداً
يعني أي راجل في الدنيا يتمناكِ
وانا زي أي راجل اتمنيت ارتبط بيكِ بمجرد ما سمعت عنك
