رسم ابتسامة 2
اخفض عينيه يجيبها : لأ.. صحيت متأخر
دارت بعينيها في المكان بإرتباك
فـ حاول اخراجها من توترها بتقدمه
“مافطرتيش ليه؟”
توجهت للخارج متمتمة : ماليش نفس
دلفت لغرفتها واغلقتها على نفسها تشعر بالحرج
لو كانت تعلم انه بالخارج ما خرجت بهذا الشكل
جلست على الفراش تقضم اظافرها
غاضبة منه ومن نفسها ومن الموقف نفسه
بينما هو يدور بالخارج يحسم قراره
قرار اخذ الكثير من تفكيره
توجه لغرفتها يطرق بابها فخرجت له تتسائل ليجيبها
“ألبسي حالاً هنخرج نروح السفارة”
حركت رأسها حائرة
“سفارة ليه؟”
“هنتجوز”
***
“ليه؟”
تسائلت بصدمة ليجيبها بهدوء
“هو ايه اللي ليه يا لينا.. هنتجوز عشان قعدتنا مع بعض كدة مش حلوة”
امسكت بثوبها هامسة : على فكرة انا لو كنت اعرف انك برة ماكنتش خرجت بالشكل دا..
” مش دا السبب مش دا اللي خلاني اعمل كدة.. انا بقالي فترة بفكر في الخطوة دي.. احنا لسة قدامنا اربع شهور هنا هنقعدهم مع بعض مايصحش نفضل كدة ”
” أيوة.. طيب مانا ممكن انزل مصر وانت تفضل هنا ولما تخلص دراستك تنزل ونتطلق عادي”
“ونتطلق ليه؟”
قطبت حاجبيها بدهشة : يعني إيه نتطلق ليه.. انت مش هتطلقني لما ننزل مصر.
اقترب منها يخبرها : لينا.. احنا دلوقتي مصيرنا بقا واحد.. ليه مانكملش
تراجعت بذهول : نكمل!!!..نكمل ازاي ورُبا.. انت خلاص استسلمت
“رُبا نسيتني.. لو لسة بتحبني على الأقل كانت ردت عليا”
“بس انت لسة بتحب.. وعايز تنساها بيا”
امسك بكفها يخبرها : انا عايز اكمل حياتي معاكِ.. ودلوقتي يا لينا جاوبي حالاً موافقة تتجوزيني؟
***
ترك ما بيده ليجيب على هاتفه ليقابله صوت عاصم غاضباً : انت فين يا زياد؟
كان قد وصل المطعم لتوه فأجابه : ايه ياعاصم انا ف المطعم
” في كارثة في الشغل ولازم تلحقها”
“عاصم انا سيبت الشركة خلاص.. روح للوالد وهو يحل المشاكل اللي عندك”
“يازياد دي كارثة بجد لو مالحقتهاش هتتسجن انت ووالدك”.
(انتهى الفصل)
الــفــصــل الـثـامـن عـشـر
وافقت..
واصبحت زوجته بالفعل..
انانية هي وتعلم انها بذلك اضحت بالفعل سارقة
لم تعد الضحية في حكايتها..
بل هي مذنبة من البداية..
احتوى كفها بين يديه هامساً : متضايقة؟
حركت رأسها نافية : لأ بس مستغربة
ابتسم بخفة فتابعت : ايه اللي خلاك عايز تتجوزني ياعُدي.. مع انك كان ممكن تتكلم مع رُبا وتفهمها الحقيقة كلها
