رسم ابتسامة 2
صمتت بشرود فتابع بتحذير : الكلام دا ماحدش يعرفه.. ابوكي وامك فاهمين اني استعجلت في الجواز عشان بحبك وبتحبيني وامي فاهمة انك حامل مني أنا فـ ياريت بلاش غباوة وماتجيبيش السيرة دي قدام حد
نهضت بذهول هاتفة : انت قايل لخالتو كدة !!!!!
“كنتِ عايزاني اقولها ايه… عايزاني اخلص عليها مش كفاية اللي هي فيه.. كمان اقولها ان بنت اختها حامل من ابنها اللي مات”
شهقت بعنف ولم تعد تسيطر على دموعها التي انسابت بغزارة : بس.. بس اللي احنا هنعمله دا حرام.. ماينفعش تنسب البيبي ليك
نهض يقابلها في وقفتها ينظر لها بتهكم : يا سلام واللي انتِ عملتيه دا ايه مش حرام
ابتلعت لعابها بعسر متمتمة : على فكرة انا عارفة غلطتي كويس مالوش لزمة كل شوية تفكرني بيها
“لا لازم افكرك.. عشان تعرفي انتِ عملتي فينا ايه بسبب غبائك”
كل ما يتفوه به حقيقة..
لكن لما يقسو عليها هكذا..
اغمضت عينيها بألم بينما غادر هو إلى غرفته يشعر بالغضب منها ومن كل ما يحدث.
***
رأته.. انه هو..
أتى لرؤيتها..
هو يحبها كما تفعل هي..
يفكر بها ويطمئن عليها..
لم تصدق عينيها عندما وقعت عليه
وعندما هتفت به لم يجيبها..
رحل دون ان تحادثه
ربضت بعدها لأيام عدة امام بوابة المشفى لتراه ثانية
لكنه لم يأتي..
جلست امام طبيبتها النفسية
تغمض عينيها وتبتسم..
“كان دايماً بيقولي ياقطتي كنت بفرح قوي بيها وفي يوم قالي ان عينيا شبه القطط عشان كدة هو بيناديني قطتي”
تنهدت بقوة تتابع : جالي المصحة.. انا متأكدة انه هو
شوفته بس مالحقتش أكلمه..
مشي ومالتفتش ليا حتى.. حسيت انه بيهرب مني
بس هو لو بيهرب.. ليه جه من الأول
فتحت عينيها بتساؤل فباغتتها الطبيبة بتساؤل مماثل : تفتكري ليه جه يا أروى؟
” بتمنى يكون جه عشان وحشته.. بس الحقيقة غير كدة.. هو جه عشان انا صعبانة عليه”
“قصدك ان ضميره واجعه عشان اللي عمله فيكِ”
أومأ لها بصمت فأكملت : مافيش شخص مؤذي عنده ضمير
دافعت عنه بحمقية : فؤاد مش مؤذي.. فؤاد موجوع.. انا اكتر حد حاسس بيه..
“لو في فرصة ترجعيله هترجعيله؟”
صمتت بحيرة..
هي تريد العودة وتخشاها..
تخشى ان يكون ما تشعر به ما هو إلا وهم.. سراب سيتلاشى عندما تعود الإقتراب.
***
للمرة الأولى تظل بالخارج لهذا الوقت..
الساعة تخطت الثانية عشر ليلاً وهي لم تعود..
قلقه وصل لأقصاه..
منذ حادثة عمار وهي متغيرة..
فسر تغيرها على انه حزن.. لكنه اشد من ذلك
هي تشعر بالضياع وهو لا يعرف كيف ينتشلها منه..
