رسم ابتسامة 2
أومأ لها ثم ودعها وخرج ليجد أروى تنتظره امام غرفتها
اصطحبها إلى سيارته
“نطلع بقا ع المطعم.. كلمت رامز يحضرلنا أكلة سي فود عارفك بتحبيه”
اعادت خصلاتها خلف اذنها : انا عايزة ارجع بيتنا يا زياد.. ماما وحشتني وعُدي وعمار نفسي اشوفهم
ابتلع لعابه بعسر ثم ألتفت لها بإبتسامة مصطنعة : نروح ناكل الأول بس انا هموت من الجوع وكمان حرام يعني الراجل اللي واقف يطبخلنا من بدري دا مجهوده يضيع كدة
أومأت له بإبتسامة صافية ثم تابعت الطريق حتى وصلا إلى هناك
***
اجلسها على مائدة منزوية تطلع على الحديقة الخلفية
“دقيقة وراجعلك”
أومأت لها ف تركها بينما هي ظلت تتابع المكان حولها بإبتسامة مشرقة..
وصل لمسامعها صوت فتاة تتشاجر مع احدهم
فألتفتت لتجد اخيها امامها يبدو غاضباً وهي تعطيها ظهرها
لم تتعرف عليها ف نهضت مسرعة تتوجه نحوه
“زياد في إيه؟”
ألتفتت مريم على اثر الصوت المقتحم
“مريم”
اتسعت ابتسامة الأخرى بسعادة : أروى.. عاملة ايه
ضمتها أروى بقوة تجيبها : وحشتيني جداً.. انا بخير الحمدلله
رفع هو احد حاجبيه مندهشاً من تحول ملامحها المفاجئ وظل يتابعهم بينما تهتف أروى : لا بقا دا انا هنطلكم هنا كل يوم
رحبت بها مريم بشدة ثم استأذنتها لترحل ف أمسك بها هامساً بغضب : لسة ماخلصناش كلمنا
نزعت ذراعها منه بقوة : كلمنا خلص لحد هنا.. ماتدخلش في حياتي يا زياد… اقف مع اللي انا عايزاه براحتي واضحك واهزر براحتي.. مالكش دعوة
وانطلقت للداخل بينما هو كاد يكسر اسنانه من الغيظ
ف جذبته أروى حيث المائدة
“تعالى اقعد واهدى كدة”
جلس امامها متأففاً فتابعت : فهمني في ايه.. كنت بتزعق ليه؟
تنهد بضيق يخبرها : الهانم واقفة تضحك وتهزر مع سي زفت دا
رفعت حاجبيها بدهشة : بعيداً عن سي زفت دا.. انت مالك؟
“نعم!!!! يعني ايه انا مالي”
“ايوة يا زياد انت مالك.. انت مالكش اي صفة تخليك تغضب كدة..”
زفر بغضب هاتفاً : أروى بقولك ايه ماتجننيش انتِ كمان
حركت رأسها بيأس : ماشي ياسيدي انا هسكت خالص.. بس فين الأكل اللي قولتلي عليه
“أحلى سي فود لأحلى آرووو في الدنيا”
وضع رامز الأطباق امامهم ع المائدة ف قالت بعد ان وصلت لأنفها رائحة الطعام
” الله ياشيف ع الريحة واحشني اكلك والله يا رامز”
ابتسم هامساً : وانتِ وحشاني جداً.. حمدلله على سلامتك يا أروى
