رسم ابتسامة 2
“لينا.. انا ورُبا انتهينا من وقت ما فكرت اتجوزك من البداية.. الحكاية خلصت لما اختارت اتجوزك واسيبها”
سحبت يدها من بين أنامله قائلة بحيرة : يعني انت مقرر من البداية انك تكمل حياتك معايا
“لأ.. انا اخدت القرار دا لما عيشنا مع بعض وشوفت فيكِ حاجات جديدة شدتني”
وألتوت شفتيه بإبتسامة
“اوقات العقل والمثالية مابتبقاش كل حاجة.. لازم الحياة يكون فيها شوية جنان”
قطبت حاجبيها بعدم فهم : طيب ليه بعتلها رسالة تعتذر فيها
“لأن من حقها اعتذار”
اخفضت عينيها لا تفهم ما يريده
وهو الأخر لم يعد يدرك ما يريده.. ف ترك حياته تسير كما مقدر لها
قلبه يأن ألماً
يستجديه ان يتوقف عن ما يفعله.
وهو يروقه ذلك العذاب..
يستحقه.. ولا يفكر في التراجع
يجلد ذاته على ما فعله بها
ويعطي اخرى حياة كاملة خالية من الحب..
***
” إهدى بس ياعاصم وقولي في إيه؟”
جلس عاصم على المقعد يلهث بعنف فتابع زياد
” انت جاي جري ولا ايه يابني وكارثة إيه اللي هتحصل خضتني”
اخرج من حقيبته ملف القاه على المائدة امامه : أقرأ وانت تعرف
امسك زياد بالأوراق يتفحصها قبل ان تجحظ عينيه بشدة : يانهار اسود.. دي مصيبة بجد
“كل ادوات البنى مغشوشة.. السبع عمارات لو وقعوا على دماغ السكان هتروحوا في داهية يازياد.. لازم تتصرف”
نظر له بحيرة هامساً : اتصرف ازاي.. اعمل ايه.. سبع عمارات.. دا خراب بيوت ، انت عرفت الكلام دا ازاي
“شوفت الملف دا بالصدفة في الأرشيف لما قارنت بين الأسعار لقيت في سرقة.. كنت فاكر المحاسب بيسرقكم لكن لما دورت وجيبت الفواتير اللي قدامك دي عرفت ان والدك كان هو اللي عايز كدة.. ادوات ومواني بأرخص سعر في السوق السودا”
انتفض زياد هاتفاً : يعني ايه… كان قاصد يعمل كدة.. كان قاصد يضيعنا كلنا
اخفض عاصم رأسه قائلاً : المشكلة مش في كدة وبس.. في عمارة منهم وقعت امبارح بس الحمدلله كانت فاضية لكن كانت متشطبة وفي ناس فعلا حجزت شقق ودفعت فلوس
كاد ان يتحدث لكن قطع حديثهم صخب في المكان
ألتفت لداخل المطعم ليجد بكر يمسك بيد مريم هاتفاً
“ياجماعة كلكوا معزومين الأسبوع الجاي خطوبتي انا ومريم”
لحظة..
سقط الورق من يده..
وسقط هو في فخ الوهم.
***
الساعة تعدت الثالثة وهي تجلس خلف مكتبها تتابع عملها..
طرقات على باب الغرفة هي ما جعلتها ترفع رأسها عن الأوراق
سمحت للطارق بالدخول وكان اخر من تتوقع رؤيته
نهضت هاتفة بسعادة
