رسم 4
كتم زياد ضحكته متمتماً : لا دا غضب
تركت الحبة من يدها بعد ان ألتهمت نصفها بينما تقر خالتها : زمان وهي صغيرة لما كانت تغضب كانت بتاكل الفلفل الحار دا .. كنا بنفضي البيت من الفلفل بسببها
كانت بطلت العادة دي معرفش رجعتلها ليه دلوقتي
ثم نهضت واشارت لها : تعالي يا لينا انا عايزاكِ
دلفت خلفها إلى الغرفة ف جلست سحر على الفراش واجلستها أمامها
“قوليلي بقا.. انتِ زعلانة مع عُدي صح؟”
حركت رأسها نافية ثم عادت تومئ ف ربتت سحر على كفها : طب احكيلي في إيه؟
حركت كتفيها تخبرها : معرفش ياخالتو.. بس بقا بيتعصب عليا كتير قوي
“بصراحة انا فعلاً مستغربة.. عُدي عمره ما كان عصبي بالشكل دا.. مش عارفة إيه اللي حصله”
وكادت تهتف”انا عارفة” لكنها فضلت الصمت ف لا تريد الخوض في الحدث عن علاقتها به أمام أحد خاصتاً من لا يعرف الحكاية من البداية
“بصي يا لينا.. عُدي إبني.. حتى لو موضوع العصبية دا جديد عليه.. بس قلبه مافيش أحن منه ”
أومأت لها بيقين فأردفت : اسمعيه.. إحتويه ، شوفي إيه اللي مضايقه.. بلاش لما يسكت انتِ كمان تسكتي عشان مش هيتكلم طول ماهو متضايق
ثم اخفضت عينيه بألم : عمك رأفت كان عصبي قوي.. كان يزعق فيا ويسيبلي البيت ويخرج
كنت بسيبه مابتكلمش معاه ولا بسأل عليه في التليفون حتى.. بس لما بيرجع بيلاقيني مستنياه وانا كلي اذان صاغية.. اسمع له واشوف اللي ضايقه بالشكل دا
همست بحيرة : يعني أعمل إيه يا خالتو؟
أجابتها بصرامة : إطلعي شقتك يا لينا بطلي أكل فلفل هتموتي مننا … سرحي شعرك المنكوش دا وحطي شوية ميك اب بدل وشك المصفر دا
اعملي اكلة حلوة واقعدي إستني جوزك شوفي إيه اللي تاعبه يابنت إلهام
ابتسمت لها بحنين : فكرتيني كنت بقعد انصح ف امك كدة اول جوازها
اندفعت لينا إلى احضانها هامسة : أنا بحبك قوي ياخالتو
ربتت على ظهرها بحنان : وفري الحب دا لـ عُدي.. هو يستاهل
أومأت لها تكرر حديثها بإبتسامة عاشقة : هو يستاهل.
***
وقف بهيئة غير مهندمة.. مُهملة
قميصه نصف ازراره مفتوحة وخصلاته مشعثة بعشوائية واضعاً جم تركيزه في المشروع الذي أمامه
يبتعد بالعمل عن كل الصخب في حياته
ولكن يبدو ان حتى العمل اصبح مكان لجلب الصداع إلى رأسه
ف قد دلفت عليه بسمة برائحة عطرها النفاذة ف زفر بيأس
هي لا تمل من المحاولة.. لكنه غير قابل للبيع
