رسم 4
ابعد يديها وأولاها ظهره معترضاً : ماينفعش..
وضعت كفيها على ظهره سائلة بقلق : مالك يابكر ؟
استدار لها يخبرها : انا كتب كتابي الأسبوع الجاي وفرحي كمان شهر
تراجعت بصدمة..
“فرح… فرحك.. فرحك إزاي يعني؟”
“يعني إيه فرحي ازاي ، زي كل الناس اللي بتتجوز دي”
رفرفت بأهدابها ولازال عقلها لا يستوعب : انت.. انت مش قولتلي ان انفصالك عن خطيبتك مسألة وقت
تنهد بقوة يخبرها : بصراحة.. ماقدرتش.. متمسكة بيا جداً وانا كمان إبتديت اتعلق بيها
حركت رأسها بقوة ثم ضحكت بسخرية : بكر.. انت بتهزر مش كدة..
” هي المواضيع دي فيها هزار يا أسما..”
توقفت تنظر له.. عينيها تتأمله بغرابة : طب وأنا؟
اقترب منها يتحسس وجنتها : إنتِ ايه ياحبيبتي.. انتِ زي مانتِ وعلاقتنا هتفضل زي ما هي.. بصراحة ماقدرش استغنى عنك إنتِ كمان اصلك بتبسطيني قوي
همست بضياع والدموع تتجمع في مقلتيها : بس.. إنت قولتلي اننا هنتجوز
عاد خطوتين إلى الخلف ينظر لجسدها
نظرة شعرت من خلالها انها مجرد سلعة رخيصة لن يكلف نفسه ليشتريها
“ونتجوز ليه.. ماحنا بنعمل كل حاجة من غير جواز وبعدين….”
صمت قليلاً يتابع الصدمة على ملامحها ثم أكمل : انتِ لا تصلحي تكوني زوجة
شهقت وهطلت دموعها
“إيه اللي بتقوله دا”
“الحقيقة يا أسما.. انا لا اقدر آمنك على نفسي ولا على بيتي.. انتِ تصلحي تكوني صاحبة أو…. عشيقة مثلاً”
نفت بجنون : انت أكيد بتهزر يابكر.. مش هتوجعني بالشكل دا
تقدم يقف بمقابلتها يسخر بألم : مانتِ وجعتيني قبل كدة
قطبت بغضب هاتفة : يعني بتكدب عليا كل دا.. بتخدعني وبتمثل عليا الحب
ثم إقتربت تمسك بتلابيب قميصه صارخة : هقتلك يابكر.. والله العظيم هقتلك
دفعها بقوة ف سقطت على الفراش
جثى فوقها يكبل يديها قائلاً : بلاش تخليني استخدم معاكِ طريقة انا مبحبهاش..
أجهشت في البكاء فأبتعد يرمقها بإشمئزاز : اتمنى ماشوفش خلقتك تاني
خرج من المنزل يلتقط أنفاسه كأنه كان في صراع مع الموت.. لا يدرك ماهية شعوره
لم يسعد لما فعله..
ضميره المستيقظ دائماً يجلده
ألتفت للخلف ينظر إلى باب الشقة المغلق.. لا يمكنه تخيل ما تشعر به هي الأخرى لكنها تستحق.
***
الساعة تخطت الثانية عشر ليلاً وهو لم يأتي بعد والمُقلق أن هاتفه مغلق
جلست على الأريكة بضيق تتنقل بعينيها بين الباب والساعة بهاتفها
نهضت عندما شعرت بالنعاس يتسرب لجفنيها
تمددت بالفراش تغمض عينيها وقبل ان تغيب في سباتها سمعت صوت باب الغرفة يُفتح ف نهضت جالسة تسأله بغضب : إتأخرت ليه؟
