رسم 4
شعرت به خلفها يحيط بخصرها
“إيه رأيك في الفستان.. عجبك؟”
إلتفتت له بذهول هاتفة : عُدي.. مش ممكن.. جبته إمتى دا
“وانا راجع من الشركة.. حبيت اعملك مفاجأة”
حركت رأسها عاجزة عن التفوه بشئ
“بس… دا… دا كتير قوي، انا اصلا عندي dresses كتير كنت هلبس واحد منهم”
طبع قبلة على جبهتها متمتماً : مافيش حاجة تغلى عليكِ… بالا بقا روحي إجهزي على ما ألبس انا كمان”
ركضت إلى المرحاض ترتديه.. رفعت خصلاتها للأعلى في شكل ذيل حصان بينما غرتها تغطي جبهتها وتستطيل من الجانبين
زينت وجهها بتبرج خفيف بينما شفتيها ف صبغتها باللون الوردي
خرجت تتهادى لتجده ارتدى حلته السوداء ويقف أمام المرآة يمشط خصلاته
استدار لها يتأملها بإبتسامة راضية
كما رآها بخياله.. مبهرة في هذا اللون
حيث ان الثوب باللون البرتقالي المائل للبني، طويل
ذو أكمام قصيرة تكشف عن ذراعيها
معقود بزناد من الخصر ثم ينسدل بالعديد من طبقات التُل
حرك رأسه نافية : كدة ماينفعش
قطبت بتعجب سائلة : هو إيه دا اللي ماينفعش؟
تقدم منها “هتروحي معايا بالشكل دا؟”
تأملت الثوب ثم نظرت له سائلة بخوف : شكلي وحش؟
اتسعت ابتسامته ورفع كفه يحتوي وجنتها : بالعكس انتِ زي القمر انا خايف تتخطفي مني
اخفضت عينيها بخجل لتتفاجئ برابطة عنقه التي تماثل لون ثوبها : واو لون الكرافت نفس لون الفستان
“اها مانا قاصدها” أخبرها ف نظرت له بحب : عُدي انت تجنن
“وانتِ تهبلي.. يالا بقا اصلنا هنتأخر”.
***
تمدد بجانبها على الأريكة ووضع رأسها فوق ركبتيها فأخذت تعبث بخصلاته وعينيها تتأمله بحب ف باغتها بتساؤل : ماروحتيش الحفلة ليه؟
“زياد وعُدي هيكونوا هناك..”
اغمض عينيه بإسترخاء : أروى هو انا كنت عامل إزاي قبل الحادثة..
قطبت حاجبيها بتساؤل مندهش فتابع موضحاً : اقصد يعني طبعي… كنت زي مانا كدة ولا اتغيرت
انحنت تطبع قبلة على جبهته : كنت وهتفضل أحسن راجل في الدنيا
امسك بكفها يقبله ثم نظر لعينيها بحنان : بحبك
صدمتها الكلمة فأدمعت عينيها هامسة : أول مرة تقولها..
رفع يده يجفف دموعها : قولتها لما حسيتها يا أروى.. انتِ تستحقي كل الحب اللي في الدنيا
ضحكت بسعادة ودموعها لازالت تسقط : قولها تاني.. قولها كتير يافؤاد
إعتدل يجلس جوارها يحيط وجهها بكفيه ويهمس أمامه : بحبك.. بحبك.. بحبك
