رسم 4
“إيه ياباشمهندش.. بتغيب عني ليه؟”
رفع رأسه لها قائلاً بهدوء : خير يا مدام بسمة؟
تقدمت منه : كل خير.. ماكلمتنيش ليه..
“وأكلمك ليه.. انا قولتلك انا راجل متجوز ومش انا اللي اخون”
استندت بذراعيها على الطاولة : كان ممكن تتصل بيا وتبلغني برفضك
“انا رافض من المرة اللي فاتت.. بس انتِ اللي مش واخدة بالك”
اعتدلت واقفة تعدل ثوبها بثقة لم يستطع احد زعزعتها
“تمام يا باشمهندس براحتك.. بس على فكرة انت هتخسر كتير ”
رفع كتفيه بلامبالاة : يمكن.. بس الأكيد اني مش هخسر احترامي لنفسي
“عُدي”
صوتها لم يكن فقط حاضراً في المكان
بل أعاد الحياة لقلبه حتى دون ان ينظر لوجهها
ألتفت يرمق وقفتها أمام باب مكتبه
يتأمل هيئتها.. خصلاتها المموجة
تنورتها السوداء والكنزة فوقها
تقبض على حقيبتها ويبدو عليها التوتر بعض الشئ
“رُبا”
همس بها دون وعي وعينيه لا تفارق وجهها
يتبادلان النظرات بينما نظرات اخرى كانت تنتقل بينهم في مكر
وصوتها قطع تواصلهما : طيب يا باشمهندس.. أسيبك بقا مع المدام
ثم مالت على أذنه بإبتسامة خبيثة هامسة : ولا دي مش المدام
قطب حاجبيه بضيق ف خرجت تتمايل بغنج بينما عينا رُبا تتابعها بغضب حتى اختفت تماماً ف دلفت هي تتقدم منه ببطئ ولازال على وقفته الصامتة
فـ بادرت بالحديث : أزيك ياعُدي؟
أجلى صوته يجيبها : الحمدلله.. أزيك إنتِ؟
أومأت له : كويسة..
عم الصمت المكان عينيه لا تحيد بعيداً عنها بينما هي تنتقل عينيها بين الغرفة وهيئته الغريبة عليها
أخيراً تحدث وهو يشير إلى الأريكة : إتفضلي.. تشربي إيه؟
رفعت رأسها له تخبره بحدة : أنا مش جاية أشرب ياعُدي.. أنا جاية اتكلم معاك
حرك رأسه بتساؤل فتابعت : قصدي.. جاية أسألك
فهم ما تقصده فـ عاد يشير إلى الأريكة : طب اقعدي يا رُبا وبعدين نتكلم
لم تعير حديثه انتباه وتابعت حديثها : ليه ياعُدي.. ليه ماقولتليش؟
مرر انامله على وجهه بتعب ثم إستدار يعطيها ظهره
“ماكنش ينفع..”
امسكت بذراعه تديره لها : ليه.. كنت فاكرني هفضحها.. ولا هقولك بلاش تساعدها احنا مالنا
اخفض عينيه فتابعت بحزن : للدرجة دي معرفتنيش..
نظر لها بأسف متمتماً : رُبا.. أنا آسف.. عارف انها كلمة عمرها ما هتمحي اللي عيشتيه بس…
قاطعته بدموع آلمته : انا عيشت أسود أيام حياتي ياعُدي… إتوجعت قوي من أقرب إتنين ليا… كنت فكراهم خانوني.. خدعوني.. متخيل انا كنت بحس بأيه
