رسم 4
“رامز بقولك ايه.. انا صاحي رايق ماتجيبش سيرة الواد دا قدامي عشان ماتغباش عليك”
حرك رأسه بيأس بينما في الخارج خرجت هي من المرحاض لتجد مريم أمامها
“صباح الفل يا لولو.. مالك وشك اصفر كدة ليه؟”
اشارت لباب الغرفة متمتمة : المجنون بتاعك. بفتح باب الأوضة لقيته نايم ع الكنبة اتخضيت
قطبت بدهشة : زياد!!.. وايه اللي منيمه هنا
رفعت كتفيها بجهل : وانا هعرف منين
ثم اقتربت منها سائلة : قوليلي ايه اللي حصل امبارح واختفيتي فين فاجأة انتِ وهو؟
ابتسمت بسعادة ثم ألتفتت لتدخل له : بعدين هحكيلك
فتحت باب الغرفة لتجده لازال كما هو بملابس الأمس
ظلت واقفة عند الباب يتبادلان النظران بصمت قطعها هو بأن التفت لرامز : ايه يا هادم اللذات ماتهوينا
نظر لهم رامز ثم اضجع اكثر في جلسته
“اه انت عايزني اخرج.. لا انا مرتاح هنا”
ثم هتف بعلياء : ياعليا القهوة بتاعتي ياروحي بعد اذنك
قذفه زياد بالوسادة : ماتقوم يا غلس..
نهض رامز ضاحكاً وخرج من الغرفة ليقترب منها مسرعاً فألقت بحالها بين احضانه ليهمس بأذنها : وحشتيني
ابتعدت تنظر له : لحقت اوحشك.. احنا طول الليل سوا
تحسس وجنتها : انتِ وحشاني من سنين يا مريم
عادت تحتضنه هامسة بصدق : انا بحبك قوي يا زياد ، عمري ما بطلت أحبك.. اوقات كنت بشتاقلك قوي وافضل اعيط لحد ماانام من غير ما احس
احاط وجهها يكفيه يقربها منه : المرة دي مافيش بُعد.. والله لو حطوا السيف على رقابتي ماهسيبك تاني ابداً
نحنحة رجولية وصلت لمسامعهم ف كان هو اول من نظر ناحية الباب ليجد بكر واقفاً يرمقهم بإبتسامة فأندفع هو هاتفاً : ايه اللي جابك هنا يا…
اوقفته مريم مسرعة : زياد بس.. كل اللي حصل امبارح كان بتخطيط مني.. بكر مالوش ذنب
رمقها بدهشة : تخطيط منك ازاي يعني
اقتربت منه هامسة بدلال : يعني الرقص والضحك كان كله عشان اضايقك بس مش اكتر
رفع احد حاجبيه قائلاً بتوعد : بقا كدة يعني.. ماشي يامريم هنتحاسب بعدين
“ودلوقتي اقدر ادخل اشوف شغلي ولا لسة عايز تقول حاجة تانية” هتف بكر بضجر فـ تغضن جبين الأخر غاضباً ثم ألتقط سترته دون ان يعيره انتباه
“انا ماشي.. هروح الشركة وهعدي عليكِ ع الساعة 3”
“بس.. هسيب الشغل؟”
اجابها بحسم : ايوة تسيبي الشغل ، انا صاحب المطعم وبقولك سيبيه
أومأت بيأس ف طبع قبلة على وجنتها ورحل.
