رسم 4
***
“معقول هنسيبها كدة.. دي مابتخرجش من أوضتها”
هتفت أروى وهي جالسة وبجانبها والدتها ومريم التي اصبحت في الفترة الأخيرة تأتي لعندهم بإستمرار.. بناءًا على فرمان زياد ف سوف يتم عقد قرانهم الإسبوع القادم تكون والدتها أتمت الأربعين يوماً
حيث هو لا يأمن لجلستها بمفردها
يريدها في منزله.. تحت عينيه
إلتفتت لأروى تخبرها : طيب ماتيجي نخرجها بأي طريقة… نخرج خروجة بنات سوا
“فكرة والله.. تعالي معايا”
نهضا الإثنين ودلفا للغرفة ليجداها تتكوم على الفراش كعادتها في الفترة الأخيرة
اندفعا نحوها لتسحبها أروى من ذراعها : قومي يا لينا.. كفاية نوم هتلزقي في السرير
ابعدتها عنها هاتفة : أروى.. أخرجي وسيبيني في حالي من فضلك
جلست جوارها على الفراش ومريم على الجانب الأخر ف هتفت أروى : مش هنخرج.. انتِ اللي هتقومي وتخرجي معانا.. مريم عايزة تشتري حاجات هنروح معها
نهضت بضيق جالسة : اولاً انا مش عايزة اخرج من هنا… ثانياً عُدي مابيحبش يخليني اخرج لوحدي.. خلاص.. ياريت تسيبوني في حالي
هتفت مريم بحزن : يعني كمان مش عايزة تقومي تشتري معايا حاجات الجواز.. دا انا فاضلي اسبوع واحد وزياد مستعجل
ثم تعلقت بذراعها تتوسلها : عشان خاطري يا لينا
مررت اناملة بخصلاتها ثم نهضت تتوجه إلى المرحاض : تمام خلاص.. هاجي
اختفت خلف باب الحمام ف أشارت أروى لمريم بأبهامها : برافو عليكِ..
حركت الأخرى رأسها بأسى على حالة تلك الصغيرة : ماكنش ينفع نسيبها لوحدها.. حرام الحزن هيموتها
***
عادا إلى المنزل وبالفعل شعرت ان اليوم اختلف…
تركتهم مريم عندما رأت زياد بالأسفل بينما صعدا هما الإثنين ودلفت لتجد عُدي يجالس والدته ويبدو على وجهه الغضب ف ارتجفت بخوف هامسة : هما.. هما اللي اصروا عليا اني اخرج معاهم
قطب حاجبيه بدهشة.. لما تبرر وهو لم يسألها
نهض وامسك بيدها ثم خرجا من الشقة وصعدا للأعلى فألتفتت له متسألة : احنا رايحين فين ياعُدي؟
توقفا أمام الشقة التي تقع فوق شقتهم مباشرةً وفتحها ف وجدتها فارغة
دلفا سوياً ف سألها بإبتسامة : ايه رأيك في الشقة؟
“حلوة.. بس مالها؟”
اقترب يحتضن كتفيها : دي شقتنا..
تغضن جبينها بحيرة : شقتنا.. شقتي انا وانت بس؟
أومأ لها : ايوة.. وهتنزلي بكرة تختاري كل الفرش على ذوقك
ابتسمت بسعادة وابتعدت تدور في الشقة ثم تعود له
“انا مش مصدقة.. الشقة حلوة قوي ياعُدي”
