رسم 4
– الفصل الحادي عشر –
إستيقظت على صوت جرس الباب ف نظرت لساعتها لتجدها الثانية صباحاً..
نهضت بذعر..
من سيأتي لها في تلك الساعة..!
أرتدت سترة فوق منامتها وألتقطت من احد الادراج بخاخ حارق للعين..
خرجت تسير على اطراف اصابعها..
تقترب من الباب وتنظر لتعرف من القادم
ألتقطت أنفاسها وفتحت بلهفة هامسة
“بكر..”
كان يستند على الحائط بجوار الباب
لاحظت الكدمة في وجهه ف شهقت قائلة : ايه اللي حصلك.. مين عمل فيك كدة؟
ثم جذبته للداخل واغلقت الباب ف جلس على الأريكة
“خناقة بسيطة ماتشغليش بالك”
دلفت مسرعة إلى الداخل تأتي له بثلج وضعته فوق كدمة وجهه فتأوه بخفوت
“معلش الوجع هيختفي دلوقتي”
همستها وهي تجلس أرضاً امام قدمه
تتأمل ملامحه بشوق.. بينما هو مغمض العينين
ظلا هكذا لدقائق لا يعلما عددها
حتى فتح عينيه يخبرها
“تعرفي اني بقالي تقريباً تلات ساعات قاعد تحت قدام البيت ومتردد اطلعلك ولا لأ”
وضعت كيس الثلج جانباً واستبدلته بأناملها التي تجولت على وجهه : ليه متردد..؟
وقبل ان يجيبها لمحت الحلقة حول إصبعه فأبعدت يدها عنه سائلة : لسة مافركشتش خطوبتك ؟
رفع كتفيها : وافركشها ليه؟
اجابته بتلعثم : عشان… عشان..
قاطعها بأن اقترب من وجهها بغتة : عشانك!
ثم أمسك بذقنها يضغط فوقها برفق : مش لما اتأكد انك بتحبيني بجد ومستعدة تضحي بأي حاجة عشاني
“يابكر مانا سيبت شغلي زي ما قولتلي”
حرك رأسه نافياً : مش كفاية ياقلب بكر
همست بحيرة : طب.. اعمل ايه تاني عشان تصدقني؟
تراجع بظهره يضجع في جلسته ويرمق جلستها هي أسفل قدميه بإبتسامة
“سيبيني أفكر وبعدين هقولك تعملي إيه”.
***
فتحت باب غرفة المكتب كما كل صباح لتتفاجئ بالجسد الممدد على الأريكة
صرخت بذعر ف حضر رامز مسرعاً من الخارج على صوت صراخها : في ايه يا عليا
انتفض زياد من فوق الأريكة هاتفاً : في ايه بتصرخي ليييه؟
شهقت بعنف تلتقط انفاسها بينما رامز يسأله بدهشة : انت بتعمل ايه هنا..؟
اجابه وهو يفرك عينيه : انا بايت هنا من امبارح
ألتفت رامز لعلياء يمسك بكفيها : اهدي ياحبيبتي وروحي اغسلي وشك
” صاحبك دا مجنون” همستها وهي تستدير خارجة فأغلق رامز الباب ليهمس زياد بدوره
“خطيبتك دي مجنونة..”
تقدم منه بغضب
“هي بردو اللي مجنونة ، ممكن تفهمني ليه سيادتك رجعت امبارح بعد ما مشيت ، و ايه الجنان اللي عملته امبارح دا انت خرشمت الواد”
