رسم 4
ابعدته لتصيح هي بغضب : كفاية بقا.. عايزة تعرفي انا موافقة ليه ياماما.. ليه بقولك حقه يتجوز بدل الواحدة عشرة.. عشان انا مابخلفش.. اقولهالك تاني.. انا مابخلفش ومش هعرف اخلف أبداً
ألقت كلماتها بوجههم وتركتهم لتدخل إلى المنزل
توقفت والدتها واجمة
بينما تبعها هو هاتفاً بألم
“الكلام اللي قولتيه برة دا مش صح.. مش كدة؟؟”
إستدارت له ودموعها تغرق وجهها : لا صح ياعُدي.. بطانة الرحم عندي ضعيفة ومش هعرف اخلف قبل ما اتعالج
هتف بأمل : يعني في علاج.. وهتخفي
“العلاج هيقعد سنين.. ويا اخف يا ماخفش”
اقترب منها يحرك رأسه بتساؤل حزين : عرفتي امتى وليه ماقولتليش
جففت دموعها تجيبه : يوم ما روحت حكيت لـ رُبا على كل حاجة
ثم رفعت عينيها بعتاب : وانت يومها حتى ماسألتنيش أنا ليه روحت للدكتورة
اغمض عينيه بقوة ثم جذبها يضم رأسها لصدره… يطبع قبلة فوق خصلاتها
“أنا آسف يا لينا.. حقك عليا”
ابتعدت بإبتسامة مرتعشة : ماتعتذرش.. انا مش زعلانة منك
ثم دفعته برفق : ويالا عشان ماتتأخرش انا هبقى كويسة والله.
***
حفل زفاف عريق..
وقف هو في منتصف البهو الواسع ينتظرها..
عقله مشوش بما حدث طوال اليوم..
حتى ظهرت هي أمامه
جاءت تتهادى بثوبها الأبيض متعلقة في ذراع والدها
تشبه الملائكة في طلتها
جميلة هي والثوب زادها فتنة وجمال
هل يجوز اختطافها..!!
يأخذها ويهرب بعيداً عن الجميع الآن
ينسى معها أعوام مضت دونها
إلتوت شفتيه بنصف إبتسامة راضية وهي تقف أمامه
يحتجز كفها الصغير بين يديه
طالت نظرته لها غير مصدقاً انها اصبحت له
نظرة اخجلتها ف اخفضت عينيها لينتبه اخيراً لمن حوله
يقترب يحيط خصرها بذراعيه ويضمها لجسده بقوة
يغمض عينيه وذقنه مستندة لكتفها
يتنهد بقوة ف يحتله عطرها الهادئ مثلها.
همست بأسمه فأبتعد لتردف : الناس بتبص علينا ياعُدي
“ينفع اخطفك ونسيب الناس دي كلها ونهرب دلوقتي”
“لأ انا جعانة ياعُدي.. انا جاية عشان البوفيه”
رفع حاجبيه بصدمة ضاحكة : فصيلة والله العظبم.. تعالي
تعلقت بذراعه وسارت بين الجمع
توقفا في ساحة الرقص
قربها منه وعينيها تخترق عينيه بسهام الحب
ترفع اناملها لوجهه هامسة
“انا مبسوطة قوي وحاسة إني بحلم”
انحنى بجانب اذنها هامساً بخبث : تحبي أقرصك..
ضربته في كتفه برفق : بطل غلاسة وقولي.. احنا هنسافر على طول؟
