رسم 4
***
أولى لحظات الفراق..
عندما تجلس وتشرد في الساعات الفائتة
تتمنى لو كان كل ما يحدث ما هو إلا كابوس سئ ستستيقظ منه
تغمض عينيك غير مصدقاً أنك لن تراه مجدداً
افاقت على يده التي احاطت جسدها بقوة وضمها له
الجميع رحل ولم يتبقى سواه هو ورامز.. علياء ووالدتها
تعلقت به..
دفنت رأسها بصدره و أجهشت في بكاء أدمى قلبه
انسحب الباقيين من الغرفة ف طبع قبلة فوق خصلاتها متمتماً : انا عارف انتِ حاسة بإيه وصدقيني نفسي اخفف عنك الوجع بس مش هقدر
همست ببكاء : سابتني لوحدي يازياد.. مابقاش ليا حد خلاص
نظر لعينيها يخبرها بتأكيد : وانا روحت فين.. انا جنبك.. علياء وماماتها.. رامز وأروى وامي.. كلنا حواليكِ ومش هنسيبك
حركت رأسها بألم : انا مش قادرة اتخيل اني مش هشوفها تاني
احاط وجهها برقة : بس هي هتكون حاسة بيكِ.. عشان كدة عايزك قوية
قطع استرسال حديثهم رنين هاتفه فـ امسك به ليجد والدته المتصل
اجابها : ايوة يا امي… آه انا لسة عندها
انتفض متابعاً : حصل امتى؟… خلاص انا هاجي ع المشتشفى..
اغلق الهاتف ف رفعت عينيها له بقلق : في إيه يا زياد؟
“ماما بتعتذرلك انها ماقدرتش تيجي.. لينا اجهضت”
شهقت بعنف فأردف : انا لازم اروح المستشفى
ثم أمسك بيدها : هتبقي كويسة؟
أومأت له : ماتقلقش عليا وماماتها هيفضلوا معايا.
***
الساعات تمر وهي لم تستفيق بعد
طالت مدة إغماءها
أحضر الطبيب ليفحصها وطمئنه
رحل الجميع وظل هو جوارها يغفو بتعب على المقعد بجانب فراشها حتى الصباح
فتحت عينيها ترمق الضوء المنبعث من النافذة ثم سقطت عينيها عليه ف همست بحشرجة : عُدي
استيقظ ونهض من جلسته يقترب منها بحنان : عاملة ايه ياحبيبتي؟
“هو… هو إيه اللي حصل؟”
سألته ف أخفض عينيه بأسف
تحسست موضع جنينها بلهفة ف سقطت الدموع من عينيها وقد ادركت انه لم يعد بالداخل
وضع يده فوق خصلاتها يهمس بأسمها بينما اغمضت هي عينيها بألم وظلت تنتحب
إنتظر حتى هدأت وامسك بكفيها : لينا..
فتحت عينيها تهمس ببكاء : هو ليه كل ما افرح واحس بيه يروح مني
لم يعرف بما يجيبها ف تابعت : ربنا بيعاقبني ع اللي عملته في رُبا… بياخد فرحتي مني زي مانا عملت معاها
ثم أولته ظهرها بهمس خافت : انا عايزة أنام
تركها ترتاح وخرج من الغرفة يستنشق الهواء وجد خالته تقبل عليه : عُدي.. لينا فاقت
