رسم 4
***
كان يضع ملابسه بالحقيبة والهاتف على اذنه يستمع لهتاف رُبا وابتسامة راضية مرتسمة على ثغره يتابع حديثها المتلهف
أغلق معها ووقف يتفقد حقيبته
حتى وجدها أمامه تقف مستندة على باب الغرفة ترمقه بنظرة أوجعت قلبه رغم ابتسامتها
دلفت للغرفة تسأله : هتوصلني عند ماما ولا أمشي انا؟
حرك رأسه مندهشاً : ليه دلوقتي.. بكرة الصبح هوصلك
“عادي يعني عشان لو عايز تعمل اي حاجة و..”
وضع انامله فوق شفتيها
“انا عايزك تكونِ معايا النهاردة”
رفعت عينيها له فأقترب يهمس بجانب اذنها : وحشتيني يا لين.. مش عارف اقول ايه بس حسبي الله بجد
ابعدته ضاحكة بخفة : بتحسبن على ماما ياعُدي!!
“أعمل ايه ماهي حبساكي في البيت من شهر ومش عارف اشوفك.. وجاية تسيبك النهاردة”
اخفضت عينيها بهمس خافت : انا أصلاً جاية من وراها
ابتعد غير مصدقاً : انتِ بتهزري.. هي وصلت للدرجة دي
ثم امسك بمرفقيها يتابع بغضب : إنتِ مراتي..
ابتسمت بحب : هتفضل متمسك بيا كدة على طول ياعُدي؟
تحسس خصلاتها هامساً : لأخر يوم في عمري
” يعني مش هتطلقني مهما حصل”
مرر انامله برقة فوق وجنتها : مش عايز أسمع سيرة الطلاق دي.. مافيش طلاق وانا استحالة اسيبك
تعلقت بعنقه تضم نفسها له قائلة : انت كمان وحشتني قوي.
***
اخبرته في الصباح ان يتركها تذهب بمفردها لكنه اعترض واصر على توصيلها
وما طمئنها قليلاً ان والدتها ليست متواجدة في المنزل منذ الأمس
توقف بالسيارة أمام المنزل ف التفتت له : اشوف وشك بخير.. خد بالك من نفسك
أومأ لها فـ اندفعت تحتضنه بقوة.. تكبح دموعها
ابتعدت على اثر زعقة والدتها التي ولسوء الحظ عادت في تلك اللحظة
“انتِ مافيش فايدة فيكِ.. بردو روحتيله..”
هبطت من السيارة تنظر لوالدتها بضيق ثم التفتت له : خلاص ياعُدي امشي انت دلوقتي عشان ماتتأخرش
حركت والدتها رأسها بإستغراب وهي تقترب منها
“خايفة قوي لا يتأخر.. انتِ إيه يابنتي مافيش دم خالص”
هبط من السيارة هو الأخر يقف حائلاً بينها وبين والدتها
يهتف بغضب : خالتو من فضلك.. لو عايزة تزعقي ف حد انا قدامك اهو.. قولي كل اللي ف نفسك
هبطت اناملها الرفيعة على وجهه في شكل صفعة ف شهقت الواقفة خلفه بعنف بينما هو لم يهتز
استقبلها بهدوء وصمت
“صدقني نفسي اعمل اكتر من كدة فيك وفيها عشان ماعندهاش كرامة ومكملة مع واحد زيك”
