رسم 4
خرج واغلق الباب خلفه ف تقدمت هي من خالتها لتهتف الأخرى مسرعة : انتِ إزاي موافقاه ع الهبل دا..
فردت ذراعيها بقلة حيلة : عشان حقه يا خالتو
قطبت سحر حاجبيها بدهشة : حقه في إيه بالظبط.. انتِ مدركة للي هتعيشيه مع زوجة تانية بتقاسمك فيه
ابتلعت لعابها بعسر هامسة : انا عارفة كل اللي حضرتك بتقوليه.. وماعنديش مانع
جلست سحر متمتمة : استغفر الله العظيم.. انا مش فاهمة انتوا بتفكروا إزاي
جاورتها في جلستها تقول بتوتر : خالتو.. في حاجة عايزة احكيلك عليها.. أنا ما… ماكنتش حامل من عُدي قبل جوازنا… أنا..
قاطعتها ترحمها من سرد الحكاية
“عارفة..”
ثم نظرت لها متابعة : هو دا السبب بقا اللي مخليكِ موافقة
جحظت عينا لينا وبالكاد خرج صوتها بحشرجة : حضرتك عارفة؟؟؟
أومأت لها فأكملت بتساؤل : من إمتى؟
“من وقت ماروحتوا السفارة في لندن عشان تتجوزوا.. كنت متأكدة انه مش هيقولك اني عرفت عشان ماتحسيش بأي خجل قدامي”
سقطت دمعة من عينيها
“عُدي عارف !!! .. ومش عايزاني اوافق على حاجة عارفة انها هتسعده”
إبتسمت من بين دموعها : أنا ماقدرش أرفض يا خالتو.. عُدي عمل عشاني حاجات كتير قوي.. ضحى بسعادته ف البداية عشاني.. ولسة بيضحي ، إتجوزني وماقلش لحد ع السبب بالعكس دا خلى نفسه مذنب في عينيكِ.. عملي فرح ماكنتش احلم بيه ، فضل معايا ماسبنيش والله لو عايز يتجوز مية واحدة هوافق ياخالتو
ثم امسكت بكفيها : عشان خاطري ياخالتو وافقي.. روحي معاه واخطبيهاله.. ماتزعليش منه هو مابيقدرش على زعلك
لم تجد منها رد ف تابعت بما كانت تخشى قوله : خالتو… انا مابخلفش
إستطاعت ان تصيبها بصدمة وهي تسرد عليها الحكاية.. الفحوصات والطبيبة التي أخبرتها بصعوبة إنجابها لضعف الرحم ف وجدتها تجذبها لحضنها.. تتحسس خصلاتها بصمت تواسيها فأبتعدت تجفف دموعها
“أظن دا سبب مقنع لجوازه.. بس من فضلك بلاش تقوليله.. انا هقوله في الوقت المناسب”
نهضت تخرج وقد حازت على موافقتها أخيراً
ف وجدته جالساً على الأريكة بشرود و يضم ذراعيه
تقدمت تجلس جواره ثم اراحت رأسها على كتفه هامسة : مبروك..
***
الصداع يفتك برأسه..
إستيقظ من النوم فجراً برأس متألم
تناول حبة دواء وتمدد على الأريكة بالخارج حتى لا يزعج النائمة جواره
غفى قليلاً وبين أحلامه رأي كل ما غاب عن ذاكرته
لميا.. وحياتهم..
حبه لها.. خطوبتهم وعينيها المنكسرة
أروى وزواجهم… أبيها.. إنتقامه
إنتحارها وطلاقه لها في منتصف بيتهم
وأخيراً الحادث بعد جلسة طويلة قضاها أمام قبر لميا
