اعلن 3
قالت سمر بحزن:
-خايفة أختار صح.
إزداد انعقاد حاجبي هاجر لتستطرد سمر موضحة:
-ممكن الصح يكون إنى أختار واجبي وساعتها قلبى ممكن ميبقاش سعيد،أو أختار قلبى بس ضميري يأنبني،ممكن الصح ميبقاش صح بالنسبة لى ياهاجر.
قالت هاجر بغموض:
-وممكن تحققى المعادلة الصعبة ياسمسم وترضى الطرفين..قلبك وضميرك.
عقدت سمر حاجبيها قائلة:
-ازاي؟مستحيل طبعا.
ابتسمت هاجر قائلة:
-مفيش حاجة اسمها مستحيل..انتى قولى بس يارب.
تنهدت سمر قائلة:
-يااارب.
*******************
رمق رائف يوسف بحنق قائلا:
-معقول يايوسف؟واجهتنا فى العلاقات العامة تبقى من غير خبرة..أنا عارف إنها حالة إنسانية،وانها صديقة مراتك الأنتيم ولسة خارجة من تجربة صعبة ،ياسيدى على عينى وعلى راسى..تتوظف فى الشركة عادى بس متبقاش واجهتنا.
قال يوسف بهدوء:
-لو مكنتش شايف انها أدها مكنتش هخليها فى المنصب ده يارائف،عموما هي جاية دلوقت مع ماجى ..قابلها واعملها إنترفيو بنفسك وهتشوف إن معايا حق.
تراجع رائف فى مقعده..يستند برأسه إليه،يشبك أصابعه أمام وجهه… فى تفكير.
********************
دلفت سمر إلى مكتب مدير المشفى لتجد فتاة تجلس خلف المكتب تطالع حاسوبها بتركيز شديد..تنحنحت سمر قائلة:
-إحمم..صباح الخير.
نظرت إليها الفتاة قائلة بإبتسامة ودودة:
-صباح النور.
قالت سمر:
-أنا الدكتورة سمر الصعيدى..معايا ميعاد مع مدير المستشفى.
نهضت الفتاة قائلة على الفور:
-آه طبعا..الدكتور مستنيكى من بدرى ومنبه علية أدخلك علطول اول ما تيجى ..اتفضلى.
طرقت الفتاة الباب ثم فتحته مشيرة لسمر بالدخول،لتدلف سمر إلى الحجرة..توقفت فى مكانها وقد تجمدت قدماها فى الأرض وإتسعت عيونها فى صدمة،فأمامها يجلس خلف مكتب المدير هذا الذى جاءت إلى الإسكندرية هربا منه…الطبيب هادى.
*******************
قالت ماجى بعصبية:
-ويقابلها ليه يايوسف؟انت مش قلت انها خلاص بقت من ضمن الاستاف بتاعكم..يبقى فين المشكلة؟
قال يوسف بإرتباك:
-آه طبعا،سماح خلاص بقت فى قسم العلاقات العامة معانا،بس رائف حابب يعني يتأكد..قصدى…
قاطعته سماح قائلة فى ثبات:
-حابب يتأكد ان كنت مؤهلة للوظيفة اللى هيديهالى أو لأ..وده حقه يامستر يوسف.
قالت ماجى باستنكار:
-مستر إيه بس..ده يوسف جوزى ياحبيبتى ولا نسيتى؟وبعدين انتى مؤهلة ونص ولا إيه يايوسف؟
