اعلن 3
قالت ماجى بحدة:
-أنا مليش دعوة بحد..مفهوم.
قال يوسف بهدوء:
-خلاص ياجيسى..سيبى الموضوع ده نتناقش فيه أنا ومامى وأوعدك بإن قرارنا يكون فى مصلحتك بإذن الله.
ظهرت الفرحة على ملامح ياسمين..لترسل له قبلة هوائية قبل ان تقول:
-ميرسيه يابابى..هروح اكلم بيرى واقولها انى هروح معاها.
ثم أسرعت مغادرة لتقول ماجى بحدة:
-شايف بنتك؟
اقترب يوسف منها يتطلع إلى عينيها قائلا:
-ممكن تهدى شوية عشان نتفاهم.
رمقته بحنق دون ان تنطق بكلمة..ليستطرد قائلا:
-ايه اللى معصبك بالشكل ده؟مش معقول موضوع الكامب هو اللى معصبك كدة..دى مش أول مرة بنتنا تروح الكامب،ولا هتكون آخر مرة.
تنهدت ماجى وهي تواليه ظهرها قائلة:
-معاك حق.
إقترب منها يوسف يضمها إليه..يضم خصرها بذراعيه..ويستند على كتفها بذقنه قائلا:
-طب ليه حاسس إن ورا عصبيتك دى سماح صاحبتك والأزمة اللى بتمر بيها.
أغمضت عيونها قائلة:
-لإن دى الحقيقة يايوسف..سماح فى أزمة وأنا مش قادرة أكون جنبها بسبب شغلك..وانك مش قادر تسيبه وتسافر معايا ولا راضى كمان أسافر لوحدى.
قبل جيدها بنعومة قائلا:
-لإنى بخاف عليكى من الهوا الطاير مش هقدر أسيبك تسافرى لوحدك..هكون قلقان عليكى ياماجى..
إلتفتت تواجهه قائلة :
-بس انا مش طفلة يايوسف..بطل تعاملنى على انى طفلة.
نظر إلى عمق عينيها قائلا:
-بس انتى طفلة ياماجى..طفلتى أنا..اللى بخاف عليها حتى من نفسى.
ليمد يده يمرر يده فى خصلات شعرها القصيرة الناعمة مرورا بوجنتها قائلا بعشق:
-بحبك وبخاف عليكى..وخوفى عليكى زي غيرتى، مرضي..ذنبي اللى معترف بيه وعارف انى مش ممكن هتوب عنه.
رمقته بدورها بحب هامسة:
– أنا كمان بحبك يايوسف ومقدرة..بس انا قلقانة على سماح ومحتاجة أطمن عليها عشان أرتاح.
أمسك يديها قائلا:
-انت مش قلتى انها جاية بعد يومين بالكتير..وعد منى ياستى لما تيجى تروحيلها وتباتى معاها كمان.
تركت يده وتعلقت برقبته قائلة:
-بجد يايوسف؟
إبتسم يوسف مقبلا اياها قبلة خفيفة على فمها قائلا:
-بجد ياقلب يوسف.
ظهر الخجل على وجهها وهي تضغط على شفتها السفلى.. لتبتعد عنه قائلة:
-أنا..هروح بقى عشان أصالح جيسى.
أمسك ذراعها يعيدها إلى مكانها بين محيط ذراعيه قائلا:
-مش وقت جيسى خالص على فكرة..الوقت ده وقتى أنا،وقت يوسف حبيبك وبس.
