اعلن 3
دلفت إلى الحجرة فإنتبهت إليها الفتاة..لتنظر إليها برقة امتزجت بالحزن والفضول،لاحظت سماح خلو المكتب من السكرتيرة فاقتربت منها سماح قائلة:
-ممكن أقعد؟؟
أومأت الفتاة برأسها..لتحاول سماح أن تتحدث معها قائلة:
-انتى قريبة عبير؟
تأملتها الفتاة دون أن تنطق..ربما هي تخشى الغرباء أو أنها خرساء..لذا إبتسمت سماح قائلة وهي تمد لها يدها:
-أنا سماح زميلة عبير وبشتغل معاها هنا..وانتى إسمك إيه؟
قالت الفتاة بصوت مهزوز:
-بيرى.
بيرى..إذا الفتاة تتحدث ،هي فقط حزينة..ترى لماذا؟
قالت بهدوء:
-طيب ممكن أعرف ليه واحدة فى جمالك بتعيط؟
لم تجبها..إبتسمت سماح قائلة:
-هحكيلك حكاية..مرة كان فيه بنوتة بتعيط جنب شجرة..فجأة سألتها الشجرة “ليه البنوتة بتعيط”،قالتلها البنوتة”كل البنات فى المدرسة بيضايقونى وبيقولولى ياقصيرة ”
قالتلها الشجرة”وإيه يعنى..ليه تزعلى وتعيطى،مفيش حاجة فى الدنيا تستاهل دموعك الغالية..كل حزن بيتولد كبير وبيصغر بعدها ،دمعتك بتضلم دنيتك وضحكتك بتنورها من تانى..
وبعدين انتى صحيح قصيرة بس ده عشان صغيرة.. بكرة هتكبرى وتبقى طويلة أد النخلة اللى هناك دى،واللى بيضايقك مش هيعرف يوصلك غير بسلم..وساعتها لومش عايزاه ابقى وقعى السلم”
ضحكت بيرى بقوة بينما إبتسم رائف الذى يقف بالخارج يستمع إلى حكايتها العجيبة تلك ولكنها نجحت فى أن تجعل ابنته تضحك كما لم يسمعها من قبل…
دلف رائف إلى الحجرة لتندفع بيرى إلى أحضانه فضمها يحملها ويقبلها بوجنتها بحب ثم أنزلها قائلا:
-ايه اللى جاب أميرتى دلوقتى؟
قالت بإبتسامة:
-كنت متضايقة شوية فخليت عم سعد السواق يجيبنى الشركة..
لتنظر إلى سماح قائلة:
-بس خلاص مبقتش متضايقة يابابى.
رمقتهما سماح فى حيرة قائلة:
-هي بيرى تبقى…
قاطعها قائلا بإبتسامة:
-بنتى.
إبتسمت بينما عبير تدلف إلى الحجرة وتحمل علبتين من العصير وقالب شيكولاتة لتتوقف حين رأتهم ..قائلة:
-انتوا هنا..كويس أوى،مستر رائف فيه مشكلة فى قسم الحسابات ومستر يوسف قاللى أول ماتوصل أبلغك تروحله هناك.
أومأ برأسه بهدوء..فإستطردت قائلة:
-حضرتك ممكن تسيب بيرى معايا…
لتقول بيرى بسرعة:
-لأ ..أنا هقعد مع طنط سماح شوية فى مكتبها.
نظر رائف إلى سماح التى أومأت برأسها بإبتسامة ليومئ برأسه موافقا ..فمدت سماح لبيرى يدها فأمسكتها برقة قبل أن يغادرا الحجرة تتبعهما نظرات رائف القلقة..
تحتاج إبنته فقط إلى القليل من الحنان الصادق لتتعلق بالأشخاص..وقد تعلقت بسماح كما يبدو،وهذا يقلقه…. حتما
