اعلن 3
قال بلهجة قاطعة:
-وأكتر..أنا محبتش أدك ومش هحب حد أكتر ما بحبك..انتى مراتى وحبيبتى وأختى وبنتى..انتى روحى يازوزا.
طالعته بسعادة قائلة:
-كان فين الكلام الحلو ده من زمان يامجد.
رفع يدها يقبلها قبل أن يقول:
-كان فى قلبى ياقلب مجد..كان مستخبى جوايا، بس فراقك خرج كل حاجة مستخبية ..ووعد منى انى مش هخبى مشاعرى من تانى وانى أكون لك كل حاجة حلمتى بيها..ده انتى حتة من ضلعى ،أذيتك كتير وكسرتك كتير بس وعد منى هجبرك.
تأملته بعشق..تثق بأنه قادر تماما على وفاءه بوعده..إقترب من شفتيها..يرغب فى تذوق شهدها الذى حرم منه طويلا ولكنها أوقفته قائلة:
-إستنى هنا..قوللى..فيه حاجات محيرانى ولازم أفهمها.
تراجع قائلا بإبتسامة :
-اتفضلى ياستى،قولى.
أشارت له بسبابتها وهي تعقد حاجبيها وتذم شفتيها بطريقة محببة حتى أنه كاد أن يقبلها مجددا ويؤجل الحديث لوقت لاحق..ولكنها قالت:
-انت عملت إيه خليت الشيخ سالم يمشى ويمشى الناس اللى معاه..وكنت دايما بتمضى الجوابات ب(ز ا م)..اللى هو إيه يعنى..ها؟
إتسعت إبتسامته وهو يقترب منها حتى لفحتها أنفاسه وهو يقول :
-وريت للشيخ سالم عقد جوازنا طبعا واللى فيه أسامينا وصورنا كمان،وإلا مكنش هيسيبنا اليوم ده غير واحنا مطرودين من الشارع بفضيحة كمان..أما (ز ا م)..فمعناها ..زوجك..
ليقبل ثغرها برقة فشعرت بقلبها يذوب عشقا…
..المحب..
ثم عاد يقبلها مجددا برقة سارعت من أنفاسها وزادت من درجة حرارتها وهو يستطرد:
مجد
ليقبلها قبلة طويلة أودع فيها كل مشاعره التى تتوق إليها..وإستسلمت هي لتلك المشاعر..بإشتياق خفقات زوجة لعشق زوجها الذى إجتاحها..ليثبت لها فى كل لحظة..أنه تغير…..كلية.
********************
لا نعرف قيمة الأشخاص حتى نفقدهم
ولا نفتقد وجودهم حتى نفقدهم
ولا ندرك كم قصرنا فى حقوقهم..حتى نفقدهم
ولا نتمنى عودتهم….حتى بالفعل نفقدهم
كان (حسام)يجول بين أرجاء المنزل يتلمس طيفها..هنا كانت تستقبله عند عودته من العمل بكوب من العصير،وإبتسامة شافية..وهنا كانت تعد له الطعام ،وهنا كانت تجلس إلى جواره تشاركه اهتماماته..
هنا كانت..وهنا كانت..وهنا ضرب بكل ما كانت له عرض الحائط..
هنا تجاهل وأهمل وخان وأهان..وهنا ….فقدها للأبد.
جلس على الأريكة يبكى كطفل صغير إفتقد أمه..كشاب إفتقد حبيبته ، وكرجل تاق إلى زوجته التى أصبحت الآن رسميا…طليقته.
