اعلن 3
اقترب من باب الحجرة يستند عليه بكلتا يديه وجبهته مغمضا عيناه بقوة ،يتمنى فقط لو كان معها الآن ،يمسك بيدها داعما لها،يخبرها أنه حدها ولن يتركها أبدا.. ولكن تظل أمنياته حتى الآن…..مستحيلة.
*******************
قال هادى بصوت رخيم:
-وتفتكري تفسير حلمك ده إيه يامدام سمر؟
قالت سمر فى حيرة:
-مش عارفة يادكتور..كان ممكن أقول إنها ذكرى حية من الماضى بتاعى لولا ان اللى كنت بحاول أنقذها شبهي،نسخة منى،أنا فضلت أفكر وملقتش للكابوس ده غير معنى واحد،انه ناتج عن عقلى الباطن وانى شايفة نفسى بتروح منى ،وبحاول أنقذها بس فى الآخر مقدرتش..أو عارفة انى مش هقدر.
نظر هادى إلى عمق عينيها قائلا:
-انتى مقتنعة فعلا بالكلام اللى انتى بتقوليه ده؟
كادت أن تجيب بنعم ولكن نظرة واحدة إلى عينيه وأدركت أنها لن تستطيع أن تكذب عليه فمن الواضح أنه سبر أغوارها لتهز رأسها نفيا قائلة:
-لأ.
تراجع فى مقعده قائلا:
-ليه؟
قالت بحيرة:
-من جوايا حاسة بإن اللى شفته ده حصل فعلا،إزاي معرفش،بس جوايا حاسة بنفس الألم اللى حسيته فى الكابوس..نفس الخوف والصدمة،نفس الرعب،وخصوصا لما شفت نفسي وهي جثة فى الشارع وبعديها لما شفت الدم اللى نزل منى.
كان هادى يصغى إليها بإهتمام حين قالت مستطردة:
-أقولك حاجة كمان أنا حاسة بيها؟
أومأ برأسه لتقول:
-أنا كنت حامل والبيبي نزل..فى اللحظة دى بالذات حسيته نزل..متستغربش،فيه ذكرى جتنى من يومين،بس أنا مصدقتهاش لإنى لما فقت فى المستشفى ..تقاريرى مكنش فيها انى دخلت العمليات غير مرة واحدة بس لما عملت الزايدة،وانى مسبقش لية الإنجاب..بس فى الذكرى دى أنا كان جوايا طفل،وكنت فرحانة بيه..وبكلمه،بس خبيت على جوزى لإنى كنت خايفة مينبسطش بالخبر ده..ومكنتش عارفة هقوله إزاي،أكيد الذكرى دى كانت حقيقية ..قلبى حاسس..إزاي؟مش عارفة..وازاي كمان شفت نفسي بتموت وأنا أهو أدامك،حية وبتنفس ، أنا هتجنن يادكتور.
قال هادى:
-وليه متقوليش ان دى مكنتش نفسك؟
عقدت حاجبيها قائلة:
-قصدك إيه يادكتور؟
قال هادى بهدوء:
-أختك التوأم مثلا.
إتسعت عينيها بدهشة..قبل أن يتردد صوتها فى رأسها يردد بتوسل
“أوعى ياسحر..أبوس إيدك متعمليهاش..عشان خاطرى أنا،أختك حبيبتك اللى متقدرش تعيش من غيرك”
أمسكت رأسها وقد أصابها وجع شديد بها،تفور الدماء فى عروقها،تعالى صوت توسلاتها داخل رأسها،الوجع يزداد والألم أصبح لا يطاق..يرتعش جسدها بقوة..لا تستطيع أن تجيب على نداء طبيبها القلق،قبل أن ترفع وجهها إلى السماء..صارخة:
-سحرررررررررر.
