اعلن 3
قالت بعفوية:
-أصل اول مرة اشوفك بتضحك بالشكل ده..شكلك يجنن.
نهض بسرعة مقتربا منها وهو يقول:
-على فكرة بقى انتى اللى مجنونة..موجودة فى أوضة واحد غريب..وبتقوليله شكلك يجنن..إيه ،مش خايفة منى؟
نظرت إلى عيونه بثبات تقول بصدق استشعره فى نبراتها:
-أنا واثقة فيك ياحسن.
تأمل عيونها بقلب تسارعت خفقاته..لقد وقع فى الحب بقوة..وحبيبته رقيقة..قوية..رائعة التفاصيل..ابتلعت ريقها بصعوبة تستشعر قربه الشديد منها،هي لا تخشاه مطلقا..ولكن تخشى نفسها التى تضعف بقربه،تدرك أنها على وشك أن تلقى بنفسها بين ذراعيه..تمنحه السكن الذى تتوق إليه عيناه..لتتنحنح قائلة:
-هستناك برة..هات الكوتشينة وتعالى عشان هلاعبك وهغلبك ياابو على .
ثم أسرعت بالمغادرة تتبعها عيونه ليبتسم هامسا:
-بعترف انى خلاص خسرت اللعبة ياهاجر بس فزت..فزت بيكى انتى.
الفصل التاسع عشر
كان الظلام سائدا،والجميع يحبسون أنفاسهم ترقبا لظهور الGhost face فى بيت صديقة البطلة(كيربى)،ليظهر بالفعل ، ويهجم مرة أخرى ..يقتل (روبي ميرسر) بوحشية…..
أمسكت سمر بيد مجد الجالس بجوارها دون وعي،يدفعها الخوف والترقب..لينظر إليها على الفور ويضم قبضته على يدها برقة،نظرت إليه فقال لها هامسا:
-متخافيش ..أنا جنبك.
لم تستطع أن تحيد بناظريها عنه،تشعر بدقات قلبها تخفق بقوة ،ولكن ليس رعبا..بل عشقا؟أدركت مجددا أنها تحمل له فى قلبها هذا العشق الذى تقاومه بكل قوة ولكن لا فائدة..فكل الخيوط تجذبها له.
إنتفضت على صوت سمر الأخت وهي تقول بدهشة:
-(تشارلى) و(جيل)..مش معقول.
تركت يده بسرعة تنظر إلى شاشة التلفاز تتابع الفيلم من جديد..ولكنها إسترقت نظرة واحدة إليه لتجده يتأملها هي…فى عشق.
********************
قالت هاجر بسعادة:
-كان يوم يجنن ..مش كدة ياسمر؟
لم تجبها سمر لتنظر هاجر إليها وتجدها شاردة..لتهزها هاجر قائلة:
-ياسمر..هيييه..روحتى فين؟
أفاقت سمر من شرودها قائلة:
-انا هنا أهو.
قالت هاجر :
-لأ..مش هنا خالص،مالك يابنتى من ساعة مارجعنا وانتى فى دنيا تانية خالص.
نظرت سمر إلى هاجر قائلة:
-بصراحة ياهاجر ..حاسة بحيرة ومشاعرى متلخبطة وحقيقى مش عارفة أعمل ايه؟
قالت هاجر فى مرح:
-طب ما تحكيلى،مش جايز أريحك..يلا..اعتبرينى هادى وفضفضى باللى جواكى،استنى هلبس النضارة.
