اعلن 3
قالت سمر بقلب متمزق من الألم:
-فعلا زي ماتكون هو..بس الظاهر إنك لسة بتحب مراتك.
أغمض مجد عيونه قائلا:
-بحبها أوى وهفضل أحبها عمرى كله..كل اما اغمض عينى بشوف صورتها وكل أما افتحها …
ليفتح عيونه ينظر مباشرة الى عيونها قائلا:
-بشوفها..بشوفها فى صورة كل بنت أدامى..
ليتأمل ملامحها وهو يقول:
-عينيها ..رموشها..شفايفها.
ليشيح بناظريه عن ثغرها وهو يغمض عينيه قائلا:
-عذاب عايشه لوحدى وبدعى ربنا ليل ونهار يقدرنى عليه.
كانت سمر تتمزق حزنا بعد سماع كلماته التى قضت كلية على أي أمل لها معه..لتنهض قائلة بتوتر:
-أنا ماشية.
وجدته يمسك يدها..يوقفها ..نظرت إلى عيونه بحيرة ليقول لها متوسلا:
-من فضلك متمشيش.
نظرة الرجاء فى عينيه مست شغاف قلبها ..لم تستطع الرفض..لتجلس مجددا بجواره..ورغما عنها تركت يدها قابعة بيده التى تمسكت بها بقوة.
********************
قالت سماح بسعادة:
-بجد ياماجى..بجد يوسف قالك أروحله الشركة بكرة؟
قالت ماجى بإبتسامة:
-بجد طبعا..انتى مش سمعتى المكالمة بنفسك؟
قالت سماح :
-الحمد لله والشكر لله..
قالت ماجى:
-كل حاجة بتحصل لينا ياسماح فيها حكمة من ربنا وأهم حاجة ان احنا نآمن ان ربنا مش ممكن يضرنا..بيبتلينا ممكن، لكن مع ابتلائه بنصبر وآخر صبرنا فرج..ده قال فى كتابه العزيز
“ان مع العسر يسرا”وأكدها مرتين.
قالت سماح بإبتسامة:
-ونعم بالله ياماجى..ونعم بالله.
لتتسع ابتسامتها قائلة:
-يلا بقى نصحى مراد عشان أقوله على الخبر الحلو ده..وأهو بالمرة ينزل عشان يتغدى ونشوف الناس اللى تحت دول..احنا اتأخرنا عليهم أوى.
إبتسمت ماجى قائلة:
-يلا بينا.
********************
طرقت هاجر الباب قبل ان تدلف الى الحجرة بعد أن سمعت صوته يسمح لها بالدخول..وجدته متمددا على السرير وعلامات الحزن تبدو على وجهه ..اعتدل على الفور ما ان رآها..لتقول بابتسامة:
-خلصت تليفونك؟
أومأ برأسه دون كلمة لتقترب منه تناوله مشروبه قائلة بإبتسامة:
-طب دوق بقى وقوللى ايه رأيك فى الكابتشينو بتاعى؟
أخذ الكوب منها دون أن يحيد بنظراته عنها..ليرتشف منه رشفة،فعلت شفتيه الرغوة مما أرغمها على الضحك..وهي تشير لوجهه…
كانت ضحكتها رائعة صافية..خلابة..انتقلت عدواها إليه ليجد نفسه يضحك بدوره ..فتوقفت هي عن الضحك وهي تنظر الى ملامحه ..أجبرته نظراتها على التوقف عن الضحك بدوره ..ليرفع حاجبه الأيسر فى حركة باتت مألوفة لديها وهو يقول:
-بتبصيلى كدة ليه؟
