اعلن 3
تنهدت سماح وهي تمسح دموعها بيديها قائلة:
-أهو راح مطرح ماراح..ملوش عندى غير ابنه،هيشوفه مرة واحدة فى الشهر زي ما اتفق مجد معاه،ولو ان مراد مش حابب حتى يشوفه المرة دى بعد اللى عمله معايا،بس أنا غصبت عليه..مهما كان ده ابوه وليه حقوق عليه.
قالت ماجى بحنان:
-أصيلة ياسماح..طول عمرك بنت أصول.
لتصمت قليلا وهي تفكر قبل أن تلتمع عيناها قائلة:
-انتى عارقة ياسماح إيه الحاجة الوحيدة اللى ممكن تنسيكى كل اللى فات؟
نظرت إليها سماح بإستفهام..لتستطرد قائلة:
-الشغل..لازم تشتغلى وساعتها الشغل هياخد كل تفكيرك ومش هيسيبلك مساحة للتفكير.
قالت سماح بإحباط:
-ومين بس اللى هيشغلنى ياماجى وأنا معنديش خبرة؟
قالت ماجى:
-يوسف.
قالت سماح بحيرة:
-يوسف؟؟
قالت ماجى:
-انا مش كنت قلتلك ان يوسف فتح هو وصاحبه شركة جديدة ..أكيد هيحتاجوا واحدة فى كفائتك وشطارتك.
قالت سماح:
-أيوة..بس….
قالت ماجى بلهجة قاطعة:
-من غير بس..انا بايتة معاكى النهاردة ومن بكرة هنروح مع بعض الشركة الصبح وأكيد شغلك مضمون،وبالمرة نقدم لمراد فى مدرسة جيسى..دى هتفرح أوى لما ترجع من الكامب وتعرف..ها..إيه رأيك؟
نظرت إليها سماح لثوان قبل أن تومئ برأسها موافقة ،لتحتضنها ماجى على الفور بسعادة بينما أغمضت سماح عيونها بإرتياح….لأول مرة.
*******************
تردد مجد قبل ان يطرق بابها،فبأي عذر قد يفسر لها مجيئه إليها؟لاشيئ لديه مطلقا سوى الحقيقة،لقد اشتاق إليها بشدة..يتوق للمحة منها ..يرغب فقط بأن تقر عينه برؤيتها…
فتحت الباب لتراه أمامها ،يطالعها بلهفة رأتها فى عينيه؟يغمرها بذلك الشعور الذى يمنحها لذة لا تضاهى..لتقاوم مشاعرها..تدرك أنها أقسمت أن لا تضعف،ظهر الجمود على ملامحها وهي تقول ببرود:
-حمد الله على السلامة ياأستاذ مجد.
عقد حاجبيه تصله نبراتها الباردة فتصيبه فى مقتل..يتساءل عن سرها فلم تكن أبدا باردة هكذا معه،قد بدت متباعدة من قبل ولكن تلك القسوة فى عينيها لم يعهدها فيها من قبل..ليزداد إرتباكه وهو يقول:
-الله يسلمك..احمم..الحقيقة كنت جاي أسأل عن هاجر وأطمن عليها بعد اللى حكهولى حسن عن اللى حصل معاها.
إزدادت البرودة فى عينيها ،إذا هو يزيد الطين بلة،ويسأل عن هاجر؟ألا تكفيه تلك السماح؟ألا يشعر بتلك النار التى تكويها الآن؟وكيف يشعر..ان كان لا يعلم أنها تكن له المشاعر،نعم..تفعل..ربما ليس من حقها أن تفعل ولكنها تفعل،فليعينها الله وليرحمها مما هي فيه…تمالكت نفسها قائلة:
-والله هاجر مش موجودة دلوقتى ،راحت مع حسن الكلية ،لما ترجع هقولها انك سألت عليها..عن إذنك.
