اعلن 3
ليلمس وجنتها بحب امتزج بالحزن..ثم مال مقبلا إياها بعشق،مغمضا عينيه يستنشق رائحتها العبقة..رائحة الياسمين خاصتها ،ربما لآخر مرة…قبل أن يبتعد عن وجهها ناظرا إليها بألم يدرك أنه ربما يكون فراق للأبد..نهض ينظر إلى أيديهما المتشابكة ليضم قبضته على كفها الرقيق ثم يطلق سراحها..قائلا بمرارة:
-عشانك بعدت وعشانى رجعتلك ،بس من تانى أنا مجبر على البعد،يمكن ببعدى ترجعيلنا من تانى،يمكن أنا الحاجز اللى واقف بينك وبين رجوعك لدنيتنا،يمكن لما أبعد بجد تعيشى..مش مهم أنا ومش مهم مشاعرى،كل اللى يهمني انتى..انتى وبس،هتوحشيني بحجم السما والأرض،هتوحشينى أد كل دقة فى قلبى رافضة إنها تبعد عنك..هتوحشينى أد كل كلمة حب كان نفسى أقولهالك وفضلت جوايا،أشوفك بخير يابنت قلبى.
إستدار بدموع تساقطت على وجنتيه كشلال متدفق..ليوقفه يد تمسكت بيده ،إلتفت بسرعة ناظرا إليها..ليجدها مستيقظة تنظر إليه بوهن تهمس بإسمه بنبرات ضعيفة،ليهرع حدها يتمسك بيدها بقوة يقول بسعادة:
-انتى فقتى..صح؟ أنا مبحلمش.. مش كدة؟
هزت رأسها وتطلعت إليه بعيون غشيتها الدموع قائلة بمشاعر ظهرت واضحة بتلك العينان رغم الدموع الرابضة بهم:
-وحشتنى يامجد..وحشتنى أوى.
عقد مجد حاجبيه قائلا بحيرة:
-سمر….
قاطعته وهي تهز رأسها نافية قائلة:
-زوزا..أنا زوزا يامجد.
لتتسع عيون مجد…..بقوة.
الفصل الحادى والعشرون
الحقيقة هي تلك الوقائع التى حدثت بالفعل فى حياتنا..نعيشها بكل تفاصيلها،قد نحبها أو نبغضها..
الحقيقة قد تكون مرضية لنتباهى بها..أو مؤلمة بشدة حتى أننا قد نواريها…. فى طي النسيان.
إقترب منها بسرعة يجلس بجوارها قائلا بلهفة:
-زوزا…
إبتسمت بمرارة تهز رأسها قائلة بعيون غشيتها الدموع:
-أيوة يامجد..أنا زوزا..مراتك اللى ضيعت أختها بغبائها وضيعت إبننا إحنا كمان.
أمسك يدها بسرعة قائلا بنفي قاطع:
-مكنش ذنبك..والله ماكان ذنبك،أختك هي اللى كانت مريضة بالوسواس القهري..كان عندها هلاوس مرضية،عمك اللى قاللى كدة لما دفناها..قاللى إنه وداها للدكتور فى البلد لما لاحظ انها مش طبيعية وبتتخيل حاجات مش حقيقية ،الدكتور قاله كدة..عمك قال ان عقلها كان مصورلها إن أنا وهي بنحب بعض وان انتى أخدتينى منها..انتى ربنا نجاكى فى اليوم ده ياحبيبتى عشان خاطرى أنا..كانت جاية تقتلك بس قتلت نفسها لما صدمتيها برسايلي اللى فوقتها من هلاوسها..وانتى بتحاولى تنقذيها فقدتى ابننا،برده مكنش ذنبك..لو مكنتيش عملتى كدة ،لو مكنتيش حاولتي تنقذيها حتى لو على حساب نفسك مش هتبقى زوزا اللى حبيتها..
