اعلن 3
ليخرج من جيبه كارتا وضعه على الكومود بجواره قائلا بحزن:
-ده الكارت اللى فيه اسم دكتورى ورقمه..تقدرى تتأكدى من كل كلمة قلتهالك.
ظلت مطرقة برأسها..ليتأملها للحظات بألم ،قبل أن يلتفت مغادرا الحجرة بخطوات بطيئة حزينة..لترفع وجه مغطى بالدموع قائلة بهمس مرير:
-قلبى اللى حبك مكسور ياحسن ..ومش عارفة هيقدر يستحمل ده كله ولا لأ..القرار مش سهل زي ماانت فاكر،الخيانة شيئ ممكن يكسر أي بنت..ما هو فى كل الحالات مرض..آااه..أنا فى عذاب وحيرة ..ومحتاجة أفكر كويس عشان أقدر آخد قرارى.
ليدلف هادى فى تلك اللحظة قائلا بهدوء:
-وأنا هنا عشان أساعدك ياهاجر.
********************
إستيقظت زوزا تفتح عيونها ببطئ..تنظر إلى محيطها بدهشة..قبل أن تستوعب أنها بتلك الشقة التى إستأجرها مجد بالأقصر ليقضوا بها شهر عسل جديد..طالعت مكانه الفارغ بجوارها تعقد حاجبيها بحيرة..تتساءل إلى أين ذهب فى هذا الصباح الباكر دون أن يخبرها؟كادت أن تهبط من سريرها تبحث عن هاتفها كي تتصل به..لتتجمد فى مكانها وتتسع عيناها بدهشة وهي تراه يدلف إلى الحجرة يحمل صينية عليها بعض الطعام ..ليقول بإبتسامة واسعة ما ان رآها:
-ياصباح الورد والياسمين على مراتى الحلوة.
وضع الصينية على حجرها ثم قبلها بوجنتها وسط دهشتها قبل أن يجلس بجوارها تتسع إبتسامته قائلا:
-حبيبتى مالها..القطة أكلت لسانها ولا إيه؟
فركت عينيها بيديها ثم مدت يدها إليه قائلة:
-مجد إقرصنى من فضلك..خلينى أتأكد انى مبحلمش وانك جايبلى الفطار لحد عندى فى السرير وبتصبح علية بالشكل ده.
ضحك بقوة فتضخم قلبها من الحب ..ووجهه يشرق بضحكته ويزداد وسامة، ليتوقف فجأة عن الضحك وهو يلاحظ نظراتها الولهة به..ليمد يده يلمس خدها بحنان قائلا:
-من هنا ورايح..مفيش أهم عندى منك انتى..دلعك واجب علية وراحتك من راحتى يازوزا.
نظرت إليه بحب وسعادة قائلة:
-إتغيرت أوى يامجد..رجعت مجد اللى حبيته زمان..إيه اللى غيرك بالشكل ده؟
أطلت من عينيه نظرة حملت مشاعر عدة..عشق ،حزن امتزج بخوف ربما من الذكرى وهو يقول:
-إحساسى بإنك كان ممكن تروحى منى فوقنى..إحساسى انك ممكن تنسينى ومبقاش موجود فى حياتك فوقنى..إحساسى وانتى قصاد عينى ومش قادر آخدك فى حضنى فوقنى..أنا كنت بندم كل يوم على كل لحظة مكنتش فيها جنبك..على كل لحظة أهملتك فيها وجرحتك من غير قصد ..على كل لحظة كان المفروض أبقى فيها معاكى وفضلت عليكى شوية أوراق .
