رسم ابتسامة 3
***
خرجت خلفه حيث الحديقة الخلفية للمطعم
وجدته يقف يحتسي قهوته بهدوء غريب..
هو غريب منذ عرف بخطبة مريم ولا تعرف ما ذنبها هي ليقاطعها
وقفت بجانبه فألتفت لها بوجوم
“ممكن افهم هتفضل زعلان مني لحد امتى”
لم يجيبها ف تابعت بحزن : يارامز بقا.. زعلك وحش قوي..
“انا مش زعلان ياعليا.. مش زعلان منك.. بس زعلان على زياد ”
تعلقت بذراعه هامسة بدلال : طب زعلان على زياد تقوم تقاطعني ومتكلمنيش
طبع قبلة على وجنتها : حقك عليا.. انتِ فعلا مالكيش ذنب.. كل الحكاية اني صعبان عليا اللي كان بيعمله عشانها ، وحبه ليها معقول مايستاهلش فرصة تانية
اجابته بحكمة : وكان ليه من الأول يارامز.. ليه سابها من البداية.. ليه محاربش عشانها.. خليه يجرب شوية اللي هي عاشته
“لو هي اتوجعت ف هو اتكسر.. بعد ما سابها بقى زي الماريونت في ايدين ابوه.. ازعل يزعل. افرح يفرح.. اخطب حلا.. يخطبها ، اشتغل يشتغل.. لحد ما شافها تاني”
“وليه معملش كدة من البداية ايه اللي اختلف دلوقتي عن خمس سنين فاتوا”
“اللي اختلف انه زمان كان قليل الحيلة ابوه قفلها ف وشه.. هدده بالسجن لو فكر يخرج عن طوعه.. هدده انه هيبهدل مريم وامها والله اعلم كان هيعمل فيهم ايه ، لكن دلوقتي زياد عرف يأمن مستقبله كويس.. شاركني في المطعم دا غير الفلوس اللي في حسابه في البنك من شغله هو ياعليا.. شغله الخاص اللي كان بيعمله بعيد عن ابوه وكل دا كان عشان خاطرها”
زفرت بقوة هاتفة : اللي حصل حصل خلاص
احنا مالناش دعوة.. هما احرار مع بعض
اقترب منها يحيط خصرها بذراعيه : معاكِ حق.. احنا مالنا أصلا.. خلينا ف نفسنا.. عيونك دي ولا لينسز
اجابته ضاحكة : انت عارف انها عيوني يارامز
همس أمام شفتيها : حلوة قوي
” اكيد مش أحلى من عيونك الزرقا دي”
وكاد يقترب ليقبلها لكن نحنحة رجولية قطعت حديثهم فألفتف ليجد زياد واقفاً عند باب الحديقة.
***
امسكت بكفه الراكد بجانب جسده
تطبع قبلة رقيقة فوقه وتقبض عليه بأناملها
“قوم بقا يافؤاد.. انت وحشتني قوي..”
ثم ابتسمت بحنين متابعة : اللي يعرف حكايتنا يستغربني قوي.. رغم كل اللي حصل انا لسة بحبك.. حبي ليك ماقلش بالعكس دا بيزيد كل يوم
قربت شفتيها من وجهه تطبع قبلة فوق وجنته هامسة
“انا خفيت.. خفيت ونفسي انت كمان تخف وتنسى
ننسى كل اللي فات ونبدأ مع بعض من جديد.. ننسى اننا اعداء.. نفتكر بس اول مقابلة والذكريات الحلوة بينا”
