رسم ابتسامة 3
وافقته القول
“معاك حق.. انا اصلا كنت استحالة أسيبه تاني”
“صباح الخير”
إستدار لمن قفزت فوق رأسهم فاجأة لا يعلم من أين
اجابها بدهشة
“صباح النور ياكاميليا.. بتعملي ايه هنا”
اجابته بعفوية : انا ماشية وراك من ساعة ما خرجت من البيت
ثم مدت يدها لأروى معرفة نفسها : كاميليا نور الدين
اجابتها أروى وعينيها مع يوسف الذي تحولت ملامح وجهه لكتلة من الغضب : وانا أروى..
نهض بعنف يهتف بها : انتِ مين اداكي الحق تمشي ورايا.. بتراقبيني ولا ايه
هتفت بدورها بتصميم : انا قولتلك مش هسيبك
ضرب كفيه ببعضهم : مجنونة.. والله العظيم مجنونة
“سميني زي ما تحب.. المسابقة فاضل فيها شهر وتنتهي.. وفي خلال التلاتين يوم دول انا مش هسيبك.. لو عايزني احل عن دماغك تعالى اخدلك كام صورة وهتخلص مني”
زفر بنفاذ صبر : وانا قولتلك مش هتصور.. ايه مابتفهميش
امسكت أروى بذراعه : إهدى يا يوسف احنا ف مستشفى
ثم وجهت حديثها للأخرى : من فضلك يا أنسة كاميليا مش وقت ولا مكان الكلام دا
صدح رنين هاتفها ف رفعته لتجدها والدتها..
اجابتها بتوتر تحول لذعر وهي تستمع لما تقوله.
***
مكبل بالأصفاد بعد ان حُكِم عليه بالحبس أربعة ايام على ذمة التحقيق..
والده اختفى.. ألهذه الدرجة لا يهتم لأمره..
يحمله هو المسئولية كاملة
وهو من كان سيتراجع عن تسليم دليل إدانته للشرطة
ابتسم بسخرية مريرة..
كيف لأب ان يفعل ذلك بأبنه
خرج من الغرفة عاجزاً.. مهما اخبرهم لن يصدقوه
فـ توقيعه يذيل عقد إتفاقية البناء
“زياد” صوت أروى جعله ينتبه ف وجدها تقبل عليه راكضة.. تمسك بيده المكبلة
“ايه اللي حصل.. انت ليه هنا..”
“ابوكي لعبها صح.. ولبسني انا الليلة كلها”
حركت رأسها بعدم تصديق : أزاي.. ازاي في أب يعمل كدة..
“مش جديدة عليه يا أروى..”
دفعه العسكري ليتحرك فألتفتت صارخة لمن يجاوروها
“ايه يا رامز.. هنسيبه كدة… عاصم اعمل حاجة
لازم نتصرف.. ماما منهارة في البيت انا بالعافية منعتها تيجي”
اجابها رامز : اكيد مش هنسيبه يا أروى.. هنقومله اكبر محامي
هتف عاصم بغضب : مهما نعمل زياد لابسها لابسها.. المحامي ممكن يخفف الحكم.. مافيش حل غير ان والدك يظهر ويعترف ان زياد مالوش علاقة..
همست ببكاء : انا مش قادرة افهم هو ازاي يعمل في ابنه كدة.. حرام والله بجد وكتير اللي بيحصل لزياد دا.
