رسم ابتسامة 3
“قلقانة من رد فعلها ومتشوقة جداً اني اشوفه”
ابتسم لها ف تنهدت بقوة ثم طرقت الباب لتفتح لها الخادمة فأشارت لها ان تصمت ودلفت للداخل ببطئ ف وجدت والديها يجلسان حول المائدة يتناولان الغذاء
“Surprise”
أول من ألتفت كانت والدتها التي لم تصدق عينيها إلا عندما لمحت عُدي من خلفها يحمل الحقائب
“لينا..” صرخت بها واندفعت الأخرى لذراعيها تختبئ بين احضانها
ووالدتها تحتضنها بقوة تنثر القبلات فوق خصلاتها ثم تبعدها لتحتضن وجهها
“وحشتيني قوي”
تعود لتزرعها بين احضانها مرة ثانية
“وانتِ كمان ياماما وحشتيني قوي”
“وانا ماليش نصيب من الأحضان دي كلها ولا ايه؟ ”
كان ذلك والدها ف ابتعدت عن والدتها تتوجه له تحتضنه هو الأخر : وانت كمان يا بابا وحشتني قوي
توجهت والدتها هي إلى عُدي ترحب به هو الأخر وتدعيهم للجلوس حتى يتناولان الغداء سوياً ليعترض
“معلشي ياخالتو خليها بكرة الأيام جاية كتير انا عايز اشوف امي انا كمان”
رفعت احد حاجبيها هاتفة : هتقعد تاكل ياعُدي.. امك مش هتطير
رمقها بتوجس : حاضر هناكل بتبصيلي كدة ليه طيب
كتمت لينا ابتسامتها فأقترب منها هامساً : هي امك مالها بقت عنيفة كدة ليه ولا دا شغل حماوات
رفعت كتفيها مع ضحكة خافتة : مش عارفة انا كمان مستغربة.
***
جلست على الفراش بشرود بعد المكالمة التي انهتها للتو
لقد فازت بالمسابقة بعد طول انتظار
حازت على لقب افضل مصورة لذلك العام بل وسيتم تعيينها في شركة تابعة لأكبر عروض الأزياء
لكن لما لم تقفذ فرحاً ف هذا هو ما كانت ترجوه
لما تشعر باللا شئ..
فُتح باب الغرفة فأستدارت لمراد الذي دلف مقطباً حاجبيه بقلق
“ايه.. قالولك ايه؟”
اجابته بفتور
“فوزت بالمركز الأول”
اتسعت ابتسامته بسعادة : طب مبروك.. مالك مكشرة كدة ليه بقا؟
رفعت كتفيها بحيرة : مش عارفة يا مراد في حاجة مانعة فرحتي
جلس جوارها بتساؤل : في ايه ياكاميليا.. انتِ كنتي هتموتي ع المسابقة دي بقالك شهور
نهضت تزفر بضيق : ماهو دا الغريب.. انا مش حاسة بأي فرح
رمقها بحيرة وهي تدور في الغرفة.. تقضم اظافرها بتوتر ثم تتوقف تنظر له لثواني وتعود بعدها تدور فـ هتف : في ايه ياكاميليا اتكلمي؟
توقفت تطالعه لثواني : هو.. هو يوسف عامل ايه؟
“يوسف!!” قالها بدهشة لتومئ له
“ماله يوسف.. بتسألي عنه ليه يعني؟”
