رسم ابتسامة 3
رفع احد حاجبيه : رايحة الجامعة بروچ أحمر يا لينا
ثم عاد بنظر لثيابها : وبعدين ايه دا.. استنساخ دا ولا ايه
ضحكت بقوة ف رفع سبابته يحذرها : هوصلك وهرجع اجيبك.. لو روحتي لوحدك يا لينا هتبقى ليلتك سودا ومش عايز مياصة ف الجامعة ، كلام مع ولاد ممنوع تماماً ولا حتى الوقوف معاهم
“ايه يا عُدي الديكتاتورية دي..”
هتف بصرامة : دا اللي عندي والا مافيش جامعة
رفعت كفيها بإبتسامة مستسلمة : خلاص خلاص.. حاضر انا اصلا مش عايز اعرف حد من اللي كنت اعرفهم قبل كدة
استدار للخارج : يالا امسحي الروچ وحصليني
***
دلفت للجامعة برهبة.. تشعر ان الجميع ينظر لها
وصوته يصاحبها بقائمة تحذيراته
ف حركت رأسها بإبتسامة.. من دون حديثه كانت ان تفعل
هي بالأساس لا تريد الحديث مع احد
وفي طريقها للكلية تجمدت وتحجرت عينيها على تلك الواقفة بدورها ترمقها بصدمة
“رُبا” تحركت شفتيها دون صوت ولم تفعل شئ سوا انها احتضنت حقيبتها مع جنينها
ف تخطتها الأخرى كأنها لا شئ.
***
ويبدو ان صدمات اليوم لم تنتهي بعد
ف لم تركز طوال اليوم.. كنت شاردة بعين الأخرى التي تلوم وتلمع بشراسة تكاد تفتك بها
هاتفها عُدي يخبرها انه بالخارج ينتظرها
فـ خرجت وعند البوابة الخارجية وصل لمسامعها صوت يهتف بإسمها فألتفتت لتجحظ عينيها حتى كادت تخرج من وجهها
(انتهى الفصل)
– الفصل العاشر –
عادت خطوتين للخلف من هول الصدمة..
من هذا؟!!
معاذ..
ماذا حدث له..
ما هذه اللحية وتلك الملابس الغريبة
كان عقلها يدور بتساؤلات عديدة بينما عينيها تتأمله بجحوظ
اقترب منها مبتسماً بهدوء : ازيك يا لينا..
لم تجيبه فقط تطلع له فتابع : انا معاذ.. ليكِ حق تستغربي
أومأت له بتوجس ف اخفض عينيه
“انا… انا ماصدقت شوفتك ، في ذنب وحمل كبير على قلبي لازم اتخلص منه”
حركت رأسها بتساؤل مندهش ف أردف : انا أسف يا لينا.. أرجوكِ سامحيني
ابتلعت لعابها بتوتر ثم همست بحشرجة : اسامحك… اسامحك على إيه؟
“يوم عيد ميلادك.. واللي حصل بينك وبين عمار”
رمشت بأهدابها تنتظر باقية حديثه وتخشاها في نفس الوقت
اخفض رأسه بخزى يتابع : يومها.. انا اللي حطيتلك الحبوب في الكاس
ذُهلت مما تسمع
اي حبوب تلك التي يتحدث عنها
“حـبـ.. حبوب.. إيـــه”
“حبوب منشطة جنسياً..”
شهقت بعنف والأخر يتابع دون الإنتظار لشرودها الغريب
“ياريت تسامحيني.. انا عارف اني عملت ذنوب كتير وبحاول اكفر عنها”
