رسم ابتسامة 3
رفعت عينيها له : بس انا ذنبي هيفضل ملاحقني ياعُدي.. حتى لو ماحدش يعرف كفاية انا وانت عارفين دا
احاط وجهها ينظر لعينيها بقوة
“ماحدش مابيغلطش.. كلنا مذنبيين بشكل ما.. الفكرة اننا نتعلم من غلطنا ومانكرروش
نتوب عن ذنب عملناه عشان ربنا يغفر لنا..
الفكرة يا لينا ف اننا مانرجعش نعمل الغلط تاني..
عشان كدة انا عايزك تنسي وبلاش تحبسي نفسك ف دور الجاني والمُذنب..
عمار مات خلاص.. ماحدش يعرف حاجة
وانا.. انا لو مش عايز اكمل حياتي معاكِ كنت طلقتك اول ماجينا مصر ماكنتش اتجوزتك من البداية
بلاش تشيلي نفسك ذنب كل اللي حصل”
كلماته كانت بمثابة ماء باردة سقطت على قلبها فأبردت ناره.
” في اعتراف كمان عايزة اعترف بيه”
ابعدها بتساؤل ف استرسلت : انا فكراك ممل وبارد بصراحة
رفع حاجبيه بذهول : انا… ممل؟!!!!
أومأت له : اها… كنت دايما اقول لـ رُبا بتحبي فيه ايه دا بارد ومش حاسس بيكِ
“اممممم.. طب ودلوقتي؟” سألها ف ابتسمت بإمتنان لوجوده
” دلوقتي بقول ياريت كل الناس يبقوا زيك”
***
عينيه لا تفارق باب المطعم..
ينتظر مجيئها
ثم ينظر في ساعته بتململ
اخبره رامز انها ستأتي.. هل كان يخدعه
وجده يقف بجانبه يرحب بالحضور فـ مال عليه يسأله : انت متأكد ان مريم جاية؟
زفر رامز بضيق : والله العظيم جاية.. سألتني السؤال دا مية مرة
“امال اتأخرت يعنـ..”
قبل ان يكمل جملته وجدها تدلف من الباب
برقت عينيه بإنبهار
دائماً ما تخطفه بطلتها
ثوبها الطويل متدرج الألوان بين البني الفاتح والابيض
خصلاتها المرفوعة وذلك العقد اللامع حول عنقها
قطب حاجبيه بغضب وهو يلمح ذلك الذي اقترب منها
ووضع يده على ذراعها
اشارت لهم في تحية عابرة وظلت واقفة مع بكر تتحدث معه
ضحكاتهم تتعالى بصخب
وهو يحترق.. عينيه تدق بشرار يكاد يفتك بهم وبذلك الثوب الذي يكشف عن ذراعيها وكتفها ببزخ
وجد بكر يميل عليها يهمس في أذنها بشئ أومأت له بعدها ف رآه يضع يده على خصرها ويراقصها على الأنغام الهادئة التي تنبعث في الأجواء
كاد يتقدم منهم لكن رامز كان الأسرع حيث امسك بذراعه
“اهدى يا زياد”
لم يستمع له.. نفض ذراعه واندفع نحوهم
ابعد بكر عنها بلكمة اطاحت بوجهه ثم قبض على ذراعيها وجرها خلفه للداخل.
***
دفعها لداخل غرفة المكتب واغلق عليهما الباب لتهتف بغضب : انت اتجننت.. ايه اللي عملته دة
