رسم ابتسامة 3
مرر زياد كفيه على وجهه بتعب : الشغل كتير قوي وانا تعبت قولت اسيبه شوية وارتاح
ثم جلس على المائدة مردفاً : بقولك ايه ما تجيبلي اكل انا جعان قوي
رفع رامز حاجبيه مندهشاً ثم اشار لأحدهم وهو يسأله : تاكل ايه؟
“أي حاجة المهم آكل”
ثم اردف بشك : انت متأكد ان مريم هتيجي.. اصل والدتها تعبانة بقالها فترة
جلس امامه يجيبه بصبر : ايوة يا زياد هتيجي.. مامة عليا هتفضل معاها لحد ما مريم تروح ، اي اسئلة تانية؟
اشار له نافياً ثم شرع في تناول الطعام الذي وضعه النادل امامه.
***
عاد في الثامنة مساءً يوجه متجهم
وجد والدته تجلس في بهو المنزل تمسك بكتاب واضعه به جم تركيزها
ف اقترب منها : مساء الخير
رفعت عينيها تنزع عويناتها : مساء النور ياحبيبي..
دار في المكان بعينيه يبحث عنها : هي لينا فين؟
“في اوضتها من ساعة مانت مشيت.. كل ما ادخل عليها الاقيها نايمة”
زفر بقوة فتابعت بحنو : بالراحة عليها ياحبيبي.. البنت حامل ونفسيتها مش كويسة.. مش هتبقى انت كمان عليها
افهم منها قبل ما تزعق وتتعصب.. انا اول مرة اشوفك كدة
أومأ لها بصمت ف نهضت : هقوم اجهزلك العشا
” لا انا اتعشيت ف الشركة.. هدخلها”
وتركها دالفاً للغرفة المظلمة.. رمق الفراش بنظرة ثم توجه للخزانة ينتقي ملابس مريحة ثم يدخل للمحراض يبدلها ويعود يقف بجانب الفراش يتأملها ويعلم انها مستيقظة
بل وصوت انفاسها اخبره انها تبكي
“انا عارف انك صاحية.. ممكن تقومي ونتكلم”
اجابته بصوت مكتوب : انا عايزة انام لو سمحت
جلس جوارها على الفراش ثم ابعد الشرشف عنها وامسك بها ليجلسها امامه
لاحظ تورم وجهها وعينيها من كثرة البكاء ف همس وهو يجفف دموعها : ليه البكى دا كله
ابعدت عينيها عنه ف أردف وهو يعيدها إليه : انا اسف لو كان كلامي هو اللي عمل فيكِ كدة
اجابته بهتاف متحشرج
“كلامك ماضيقنيش.. قد ماضيقني ان كل همك اني كسرت كلمتك ووقفت مع معاذ رغم انه هو اللي نادى عليا..
لكن انت حتى ماشوفتش حالتي اللي كنت فيها.. مافكرتش تسألني مالك ايه اللي حصل”
اخفض عينيه بأسف : معاكِ حق.. انا اسف
ثم تابع وهو يمسك بوجنتها : ممكن اعرف مين اللي زعل البونبوناية بتاعتي
استدارت بجسدها له هامسة : انا شوفت رُبا..
” قالتلك حاجة ضايقتك؟ ”
حركت رأسها نافية بحزن : لأ.. ماتكلمناش بس نظرتها حسستني قد إيه انا حقيرة
