رسم ابتسامة 3
“أقل من اسبوعين كمان.. هسحب ورقي ونسافر تاني يوم”
ثم تنهد بقوة مردفاً : الغربة طلعت وحشة قوي
أومأت له : اسألني انا.. لما كنا بنسافر مع بابا وانا صغيرة كنت بتخنق.. بنقعد نتنقل من بلد ل بلد ومابرتحش غير لما برجع مصر واشوفكم
وضع قبلة على جبينها ثم أعتدل سائلاً : لينا عندك مانع لو عيشنا في بيتنا فترة لحد ما اشتغل؟
رفعت اناملها تتحسس وجهه : اكيد لأ طبعاً.. انا هكون مبسوطة معاك ف اي مكان
ثم ابتعدت تخبره : انا هقوم بقا اعملنا فشار بما انك فضيت ليا نشغل فيلم ونسهر سوا
وما ان نهضت واقفة حتى داهمها دوار شديد واظلمت عينيها للحظات فأمسكت برأسها لينهض هو الأخر يحيط بها
“لينا.. حصل ايه انتِ كويسة؟”
أومأت له تطمئنه : ماتقلقش دي بتحصل عادي لما بقوم اقف فاجأة
“خدي بالك طيب”
ابتسمت وتركته لداخل المطبخ..
تستند على الحائط.. منتظرة ان تنتهي تلك النوبة التي اصبحت تأتيها مؤخراً.
***
ألتزمت الفراش بعد إصابتها بالانفلونزا
حيث امرها الطبيب بالإبتعاد عن العمل حتى تتحسن حالتها
حتى انها لم تعد ترى فؤاد منذ ترك المشفى وعاد إلى منزله
استيقظت على صوت رنين هاتفها ف نهضت بتكاسل لتجده هو
اجابته مسرعة :فؤاد.. عامل ايه؟
وصلها صوته يجيبها : انا كويس انتِ اللي عاملة ايه دلوقتي..؟
تأوهت وهي تعتدل في الفراش : كويسة بس جسمي مكسر قوي
زفر بيأس : يعني مش هعرف اشوفك النهاردة
ابتسمت للهفته لرؤيتها : هحاول اجيلك.. المشكلة ان ماما كمان منعاني من الخروج عشان البرد بس هحاول
ما كادت تنهي حديثها حتى فُتح باب الغرفة وطل منه زياد فألقت الهاتف على الفراش بذعر ليضيق عينيه بتساؤل
“في ايه.. كنتِ بتكلمي مين؟”
توترت ف رفرفت بأهدابها تجيبه بتلعثم : دا… دا…. دا يوسف عرف اني تعبانة ف بيطمن عليا
قطب حاجبيه ثم ابتسم بغرابة وألتفت للخلف ثم عاد لها بعينيه : غريب قوي يوسف دا يبقى قاعد برة ف الصالة وبيكلمك ف نفس الوقت
جحظت عينيها : يوسف قاعد برة؟
“تخيلي ومش ماسك موبايل ف ايده ولا حاجة”
عضت على شفتيها بقوة ف ضحك بخفة متابعاً : قومي يالا غيري هدومك واخرجي له
أومأت له ف خرج واغلق الباب خلفه لتضرب هي جبهتها بقوة
ف لن يتركها زياد اليوم حتى يعلم مع من كانت تتحدث.
***
وقف أمامها يحمل بطاقات السفر بإبتسامة واسعة : مالقتش طيارة رايحة مصر بكرة ف حجزت لبعد بكرة
