رسم ابتسامة 3
“مالك واقفة كدة ليه؟”
صوته اخرجها من حالتها ف رفرفت بأهدابها بإرتباك
“مافيش بس.. أصل.. يعني.. شكلك حلو”
القى نظرة على هيئته من خلال مرآة جانبيه
“بجد؟”
أستدار لها فأومأت بصمت مشدوهة به
خطفتها طلته وسلبت عقلها.. لكنها سرعان ما ادركت وتنحنحت بحرج هامسة : مش يالا بينا ولا ايه
اقترب منها يمسك بذقنها.. يرفع وجهها لتقابل عينيها عينيه
” هنخرج.. بس الأول عايزين نتفق انك هتسيبيلي نفسك خالص النهاردة ماشي؟”
أومأت مسرعة وكيف لها ان ترفض وهو ينظر لها هكذا بتلك العينين التي لأول مرة تدقق بهما
جذبها برفق إلى الخارج وتوقف امام سيارة ف سألته
“بتاعة مين دي؟”
اجابها وهو يفتح لها الباب بجانبه : مأجرها ليوم واحد.. اكيد مش هركبك تاكسي وانتِ قمر كدة
ابتسمت له وجلست بالسيارة واحتل هو مقعد السائق
قادها وانشغلت هي بمتابعة الطريق.. و ينتابها شعور بالسعادة ظنت انها لن تشعر به ثانية
ألتفت لها ليلمح ابتسامتها الهادئة ف قال
” الأول قبل أي حاجة هنروح نشتري ليكِ فستان جديد”
تأملت هيئتها هامسة : ليه هو انا فستاني وحش
“بالعكس.. انتِ زي القمر”
وتوقف امام مول تجاري كبير ف اخبرته
” مالوش لازمة ياعُدي مانا لابسة واحد اهو”
هبط من السيارة ليلتفت حولها
فتح لها الباب ف هبطت بدورها ليمسك بيدها ويدخلا سوياً إلى المول
“انا ياستي عايز اجيبلك فستان جديد فيها حاجة دي”
حركت رأسها بيأس وتبعته حتى دلفا لإحدى المتاجر
ف وقفت منبهرة بما ترى من تصاميم رائعة لأثواب بجميع ألوانها
” يالا اختاري اللي يعجبك”
تأملتهم بحيرة ف جميعهم رائعون ثم ألتفتت له بإبتسامة
“كلهم حلوين قوي.. اختارلي انت على ذوقك”
بادلها بإبتسامة مماثلة ثم تجول بين الثياب وانتقى واحداً وردي اللون اعطاه لها فألتقطته ودخلت ترتديه
خرجت بسعادة تدور حول نفسها : تحفة ياعُدي يجنن.. مش كدة؟
وقف مشدوهاً يتأملها
“يجنن فعلاً.. مخليكي شبه الأميرات”
تورد وجهها بخجل فألتفت يشير للفتاة البائعة في المحل فأقتربت منهم بثوب زفاف أبيض
اخذه منها ثم نظر لـ لينا
“قيسي دا كمان”
رفعت حاجبيها بدهشة : دا فستان فرح ياعُدي
“عايز اشوفه عليكِ” اخبرها بإبتسامة هادئة فأخذته ودلفت دقائق وعادت له ترفرف بطبقات التُل التي تحيط بها
تلتمع عينيها بالدموع بينما تنظر له
“حلو قوي”
