رسم ابتسامة 3
حركت رأسها نافية : لأ.. مش عادتها.. دي لما بتكلمني ومابردش عليها بتتجنن.. أكيد في حاجة انا قلقانة
ربت فوق كتفها برفق : طيب لما نروح هكلم أروى او ماما نسألهم عليها.
وصلوا إلى المنزل ف حاول مهاتفة امه واروى لكن لا اجابة ف انتابه القلق هو الأخر.. ذلك لا يعني سوا ان هناك شئ قد حدث.
***
“يعني ايه.. انا ابني هيتسجن..”
هتفت سحر بغضب فاقتربت منها أروى تمسك بها : أرجوكي ياماما اهدي.. هنلاقي حل وعاصم مش ساكت.. بيدور على اي ورقة تطلع زياد من الق\ضية
جلست على المقعد تضع رأسها بين كفيها متمتمة : منك لله يا رأفت.. حسبي الله ونعم الوكيل فيك
احتضنتها شقيقتها : ماتعمليش في نفسك كدة ياسحر.. زياد هيخرج منها انا متأكدة.
عاد رنين هاتفها يصدح للمرة التي لا تعلم عددها ف اغلقته لتنتبه سحر تلك المرة وتسألها : مين بيتصل بيكِ وبتقفلي عليه من الصبح
“دي لينا… مش مبطلة رن ومش عارفة أرد عليها اقولهم ايه”
هتفت بلهفة : اوعي يا إلهام.. اوعي تقوليلهم اي حاجة.. ردي عليها واتحججي بأي حاجة قوليلها انك كنتِ مشغولة..”
” حاضر حاضر اهدي بس..”
نهضت تهاتفها ف وصلها صوت لينا متلهفاً : انتِ فين ياماما خضتيني عليكِ
“ااا.. ابداً ياحبيبتي ، كنت مشغولة شوية مع بابا اصله لسة راجع من السفر”
” ايوة ياعم بقا من لقى احبابه.. سلميلي عليه كتير وقوليلي خالتو فين عُدي بيكلمها من بدري هي وأروى وماحدش بيرد”
ألتفتت إلى شقيقتها التي تتابع حديثها
“موجودة ياحبيبتي.. بس انتِ عارفة هي لسة خارجة من المستشفى ممكن تكون تعبانة ونايمة وأروى ممكن تكون مشغولة”
“خلاص ياماما بس ابقي خليها تكلم عُدي عشان قلقان”
” حاضر ياحبيبتي”
اغلقت معها والتقطت انفاسها ثم تقدمت من شقيقتها تخبرها : ابقي كلمي عُدي عشان قلقان..
” أكلمه اقوله ايه بس.. لو كلمته هيعرف كل حاجة ولو عرف هيجي ومش هيكمل دراسته دا فاضل على امتحاناته شهر واحد..”
ثم رفعت عينيها للأعلى متمتمة : ساعدنا يارب..
***
..
” حكمت المحكمة على المتهم بالسجن عشر سنوات”..
(انتهى الفصل)
ر
– الفصل الخامس –
اعتكفت بغرفتها بعد عودتها من المطعم..
لم تتناول طعامها.. بل تركت والدتها دون حديث ودلفت للغرفة
سيتم حبسه أربعة أيام..
حتى يجدوا والده
فرت دمعة من عينيها ف وضعت يدها على موضع قلبها
ما هذا الشعور يا الله..
تشعر بقلبها يأن ألماً.. ودقاته تتسارع..
تشعر انه على وشك التوقف من شدة دقاته
نهضت تفتح النافذة.. تستنشق بعض الهواء..
ترفع عينيها إلى السماء الواسعة.. تبتهل بداخلها ان ينجى..
