رسم ابتسامة 3
خرجت مسرعة لتتركه بين الأوراق
وفي أخر اليوم دلفت عليه تهتف به
فـ رفع عينيه بإنهاك بعد ان قضى سبع ساعات متواصلة في التطلع على الحسابات القديمة
“في ايه يامريم”
اقتربت تستند على المكتب هامسة : البنت اللي جت قبل كدة ومارضتش تحكيلي عنها
قطب بتساؤل متعجب ف تابعت : قاعدة برة هي وبنتين كمان وكل شوية تبص حواليها لدرجة انها قامت دخلت الحمام مرتين تقريباً بتدور عليك..
اشار لها بلامبالاه : سيبك منها.. ولو سألت عليا قوليلها مشي ومابقاش بييجي
“طب مش هتحكيلي بقا مين دي.. انا فضولي هيموتني وبعدين دي حلوة قوي انت بتهرب منها ليه”
تنهد بضيق : بعدين يامريم.. بعدين هحكيلك.
ضربت الأرض بغيظ ثم توجهت إلى الخارج وكما توقع اقتربت منها أسمهان بإبتسامة متوترة تسألها عنه فأجابتها بعد فترة من تأملها
“هو بصراحة قالي لو سألتي عنه اقولك انه مابقاش بيجي هنا خالص.. بس الحقيقة انه قاعد جوة ف المكتب.. اصله مسك الحسابات بتاعة المطعم”
زاد ارتباكها ف ألتقطت ورقة من فوق المائدة..
دونت بها شئ ثم اعطتها لمريم
“طب ممكن توصليله الورقة دي؟”
اخذتها منها و فضولها يدفعها لأن تفتحها لكنها أمانه ولابد او توصله له فأومأت بصمت وعادت إلى الداخل.
***
“بكر.. دا عنواني.. أرجوك تعالى ، لازم نتكلم
هستناك النهاردة بعد ما تخلص شغلك”
ضم الورقة بيده بغضب.. ماذا تريد منه
لما لم تتركه وترحل كما فعلت من قبل..
ألا تدرك ضعفه نحوها..
عشقه القديم والذي لازال يجري بشرايينه مجرى الدماء
رفع عينيه لمن تجلس امامه.. تضع يدها اسفل ذقنها تتأمل ملامحه الغاضبة بترقب
“فاضية نتعشى سوا النهاردة؟”
اجابته بعد تفكير
“اممم ممكن لو هتحكيلي”
ثم نهضت مردفة : لكن لو مش هتحكي اروح اتعشى مع ماما أحسن
ابتسم بخفة يخبرها : ماشي هحكيلك.. اول ماتخلصي هنمشي
خرجت مسرعة : انا خلصت خلاص هغير هدومي واجيلك حالاً
نهض ينتظرها بالخارج..
وفي مطعم أخر يطل على مياه النيل جلسا امام بعضهم هو يتناول طعامه بصمت بينما هي تراقبه
“ها مش هتتكلم؟”
توقف عن الطعام ورفع عينيه لها : عايزة تعرفي ايه؟
“مين أسمهان دي وايه علاقتها بيك.. وليه بتهرب منها؟”
“في البداية انا مش بهرب منها.. كل الحكاية اني لما بشوفها بفتكر حاجات مش عايز افتكرها”
ثم تنهد بقوة : أسمهان تبقى بنت عمي
