رسم ابتسامة 3
عاد ينظر إلى المرآه : بجد شكلي حلو؟
ادارته لها تعدل من ياقة قميصه : قمر
ابتسم لذكرى ليست ببعيدة كان يسألها عن هيئته واجابته بنفس الإجابة لكن الفرق انه في المرة السابقة كان خارجاً لمقابلة رُبا
ارتجف قلبه أثر الذكرى ولحظه انها شعرت به اسفل كفها ف رفعت عينيها له بتساؤل : مالك ؟
ابتعد عنها مبتسماً : مافيش انا لازم امشي.. خدي بالك من نفسك
رحل بينما ظلت هي واقفة تفكر في حاله الذي تبدل في لحظة ثم دلفت إلى المرحاض تبدل ملابسها وتخرج تبحث عن خالتها ف وجدتها بالمطبخ تصنع لها كوب من القهوة
ف وقفت خلفها
“ممكن فنجان قهوة معاكِ ياخالتو”
استدارت لها سحر : صباح الخير ياحبيبتي.. بلاش قهوة عشان البيبي هعملك عصير فريش
أومأت لها وجلست على المقعد شاردة
“مالك يا لينا؟”
رفعت عينيها لها تجيبها : بفكر ف دراستي.. مش عايزة اضيع السنة دي كمان عشان الحمل وخايفة
جلست امامها تحتسي القهوة : بلاش تضيعي السنة لأن كله من عمرك.. وفي نفس الوقت بلاش تجهدي نفسك.. والعربية موجودة عُدي يبقى ياخدك ويجيبك عشان ماتتبهدليش ف المواصلات.
***
لم يصدق اذنيه ومريم تخبره انها بالخارج
رغم مرور الكثير من الوقت حتى انه ظن انها تخلت عنه للمرة الثانية
جلس أمامها على المائدة يكتف ذراعيه
“كنت فاكر انك اخدتي قرارك ومش هشوف وشك”
ابتلعت اهانته لها وسألته : انت عايزني اسيب شغلي ليه يابكر.. بتنتقم مني ؟
رفع احد حاجبيه بإستنكار : انتِ لسة جاية تسألي
ثم نهض واقفاً متابعاً : انا ماعنديش وقت اضيعه معاكِ
امسكت بيده قبل ان يرحل ثم أخرجت من حقيبتها بعض الأوراق ف سألها : إيه دا؟
اجابته : صور من الاستقالة.. انا استقلت من الجامعة والمستشفى زي مانت عايز
ابتسم بإنتصار ثم عاد يجلس.. يمسك بيدها بتملك
“مبروك رجوعك لحضني يا أسما ، دلوقتي اتأكدت انك ممكن تضحي بأي حاجة عشان خاطري”
هتفت بلهفة : يعني خلاص.. سامحتني؟
أومأ لها فاتسعت ابتسامتها وعينيها تلتمع بحب ظناً منها ان تلك هي نهاية ما فعلته
لم تدرك مغزى نظرته الصامتة ولو علمت ما يدور برأسه لفرت هاربة.
***
خرجت من المرحاض تزاحمه أمام المرآه
تقف امامه ف ينظر لملابسها التي تطابق ملابسه
حيث ارتدا الاثنين جكت من الجينز الأزرق وبنطال من الأسود
ألتفتت له تمد شفتيها : ايه رأيك ف الروچ
