رسم ابتسامة 3
“ليه مابتجيش الشغل… ليه قافل على نفسك ومابتخرجش من أوضتك”
اخفض عينيه بإبتسامة صغيرة : دا رامز حاكي كل حاجة بقا
حركت رأسها نافية : بصراحة مش رامز بس.. مامتك كمان متضايقة من حالتك دي واتكلمت معايا اول ما جيت
تنهد بألم يخبرها : مش عايز اشوف حد يامريم.. مش عايز اشوف ناس خالص ولا عايز اتكلم مع حد
” ليه كل دا.. انت ازاي بقيت سلبي كدة.. فين زياد اللي كنت اعرفه زمان ، اللي بيوصل للي عايزه بأي تمن”
نظر لها بحسرة : زمان .. زياد اللي قدامك دلوقتي دا هو الجبان اللي سابك يامريم.. اللي ماقدرش يواجه وهرب
ونهض يدور في الغرفة.. يقف امام الشرفة يطالع الأفق ف نهضت بدورها تقف خلفه
“سيب زمان لزمان.. خلينا في النهاردة.. انت لازم تخرج من حالتك دي.. فكر في والدتك وأروى.. فكر في صحابك والناس اللي بتحبك”
إستدار يرمقها بنظرة لن تنساها ابداً..
احتياج لأول مرة تراه.. ورغم انه صرح من قبل انه يحتاجها لكن نظرته تلك أبلغ من أي حديث
امسك بكفيها يحتويهما بدفئ
“وانتِ.. مش هترجعي؟”
تجمدت ملامحها بدون رد فعل فأقترب يهمس
” انا مستعد أعمل اي حاجة بس تكوني معايا.. ارجعي يامريم”
ألتمعت عينيها بالدموع
“بتحبني للدرجة دي؟”
“مريم انتِ هوايا اللي بتنفسه”
وكانت جملته نابعة من داخله..
حقيقية اكثر مما تتصور
فـ أقتربت هي تلك المرة.. تغرق بعينيه وتهمس بحشرجة
“وانا….”
لم تكمل حديثها بل اخفضت عينيها للحلقة بإصبعها..
حتى لو كانت خطوبتها بـ بكر مزيفة..
يجب عليها احترامه
فـ سحبتها من بين أنامله مردفة : انا لازم أمشي.
أوقفها برجاء : ممكن تقعدي شوية كمان.. حتى لو هنتكلم في اي حاجة بس أرجوكي اقعدي.
وحدث ما أراد.
دعـيـنا مـن الأمـس
كنّــا.. وكــان
ولا تـذكري الجـرح.. فـات الأوان
تعــالي نســامر عمــراً قديمــاً
فلا انــتِ خنــتِ ولا القلـب خــان
|| فاروق جويدة ||
***
وصلت إلى المشفى اخيراً بعد غياب طويل..
كان فقط تطمئن عليه من طبيبه..
حبس زياد وما حدث جعلها تمتنع عن زيارته..
لكن الآن لن تتركه أبداً..
ستنسى معه ما مضى.. تعيد فقط ذكرياتهم في أول زواجهم وتخفي عليه الباقي.
دخلت لغرفته ف وجدته جالساً على مقعد متحرك بجانب النافذة ف أبتسمت
“صباح الخير”
ألتفت لها بصمت فـ اقتربت منه تجلس امامه : عامل ايه دلوقتي يافؤاد..؟
